Sudździa Zoja Bałabołava prysudziła Siarhieju Małašenku štraf pamieram 25 bazavych vieličyniaŭ (2,5 młn rubloŭ).
Dokazam vinavataści chłopca stali fotazdymki, raźmieščanyja ŭ internecie:Siarhiej Małašenak razam ź jašče adnym navapołackim aktyvistam Jaŭhienam Parčynskim sfatahrafavalisia, trymajučy u rukach partrety Alesia Bialackaha, na hanku Navapołackaha harsuda. Siarhiej Małašenak sfatahrafavaŭsia i na hanku miascovaha adździaleńnia milicyi.
24 studzienia Jaŭhienu Parčynskamu byŭ prysudžany štraf pamieram 5 bazavych vieličyń (500 tys.). Siarhieju Małašenku prysudzili štraf u 5 razoŭ bolšy, bo ciaham hodu jaho ŭžo druhi raz sudziać za praviadzieńnie niesankcyjanavanaj akcyi: 8 kastryčnika 2012 hoda jaho aštrafavali na 300 tysiač rubloŭ za sprobu paviesić raściažku «Svabodu palitviaźniam!», paviedamlaje Radyjo Svaboda.
***
Nahadajem, što 5 studzienia ŭ Hrodnie 5 studzienia ŭ sudzie Leninskaha rajona aštrafavali pravaabaroncaŭ Viktara Sazonava, Ramana Jurhiela i Uładzimira Chilmanoviča. U Suśvietny dzień pravoŭ čałavieka 10 śniežnia 2012 hoda jany sfatahrafavalisia z partretami źniavolenaha Alesia Bialackaha i knižačkami z tekstam Usieahulnaj dekłaracyi pravoŭ čałavieka. Hrodzienskaj milicyjaj hety miedyjny fakt byŭ kvalifikavany jak «niesankcyjanavany pikiet». Usie try spravy byli abjadnanyja ŭ adzin administracyjny praces, kožnaha aštrafavali na 1,5 młn rubloŭ.
