Nastaŭniki Illu Kałmanoŭskaha zvolnili z adnaho ź licejaŭ Maskvy paśla jaho ŭdziełu ŭ akcyi suprać zakona ab zabaronie prapahandy homaseksualizmu la budynka Dziarždumy. Pra heta piša sajt rasiejskaj słužby radyjo «Svaboda».
Sa słovaŭ Kałmanoŭskaha, jahonaje imia zhadvali ŭ repartažach ŚMI. «Maje apanienty chutka vyličyli mianie i maju škołu, pasłali skarhi administracyi, i ŭžo ŭ paniadziełak dyrektar paviedamiŭ mnie, što zvalniaje mianie dziela vyratavańnia škoły», — napisaŭ Kałmanoŭski.
«Skaržniki napisali administracyi, što jany baćki maich vučniaŭ (ja ŭpeŭnieny, što heta niapraŭda) i što ja adkryta pryznaŭ siabie hiejem; jany prosiać achavać dziaciej ad mianie. A kali nie achavajuć — jany buduć skardzicca vyšej i vyšej. Zavuč (dumajučy jašče vyratavać mianie) u adkaz napisaŭ, prosta ŭviečary ŭ niadzielu, što nie, ja vydatny siemjanin, ale prosta vielmi małady i jany vybjuć z majoj hałavy hłupstva», — dadaŭ Kałmanoŭski.
U paniadziełak Kałmanoŭskaha ŭsio ž zvolnili.
«Ja spytaŭsia: usio, viarnulisia TYJA časy? A dyrektar adkazaŭ, TYJA časy nikoli i nie prachodzili», — raspavioŭ vykładčyk.
Kałmanoŭski adpracavaŭ nastaŭnikam u licei siem hadoŭ.
Napiaredadni kala budynka rasiejskaj Dumy, dzie ŭ pieršym čytańni byŭ pryniaty zakon ab zabaronie prapahandy homaseksualizmu siarod niepaŭnaletnich, pabilisia pravasłaŭnyja aktyvisty i pradstaŭniki
Krytyki zakona śćviardžajuć, što jon nie budzie mieć nijakich realnych nastupstvaŭ, bo nijakaj takoj prapahandy niama ŭ pryrodzie i być nie moža, ale razam z tym jon simvalična styhmatyzuje ludziej ź inšaj seksualnaj aryjentacyjaj i nastrojvaje hramadstva suprać ich.
