Žurnalistka Iryna Chalip 28 studzienia padčas naviedvańnia kryminalna-vykanaŭčaj inśpiekcyi Partyzanskaha RUUS Minska, dzie jana kožny tydzień pavinna adznačacca, pieradała zajavu z prośbaj dazvolić joj vyjezd za miežy Biełarusi.

«Ja prašu dazvolić mnie vyjezd na adzin tydzień u Vialikabrytaniju dla sustrečy z mužam i na adzin tydzień — u Rasijskuju Fiederacyju dla ŭdziełu ŭ redakcyjnych mierapryjemstvach „Novoj haziety“, supracoŭnikam jakoj ja źjaŭlajusia», — paviedamiła BiełaPAN Chalip.

Na zajavu žurnalistki, pavodle zakonu, ułady pavinny dać adkaz na praciahu 30 sutak.

Nahadajem, Iryna Chalip, žonka eks-kandydata ŭ prezidenty Andreja Sańnikava, jaki atrymaŭ palityčny prytułak u Vialikabrytanii, u mai 2011 hoda była pryznana vinavataj va ŭdziele ŭ masavych biesparadkach paśla vybaraŭ 19 śniežnia 2010 hoda i asudžana na dva hady pazbaŭleńnia voli z adterminoŭkaj vykanańnia pakarańnia na dva hady. Jana nie maje prava pakidać Minsk, abaviazana kožny tydzień adznačacca ŭ milicyi i być doma paśla 22.00. Adterminoŭka zakančvajecca 17 lipienia hetaha hoda, paśla čaho sprava Chalip budzie ŭ druhi raz razhledžana ŭ sudzie, jaki vyrašyć, vyzvalić jaje, nakiravać u kałoniju abo pakinuć u tym ža statusie jašče na niejki termin.

Alaksandr Łukašenka nieadnarazova (u intervju brytanskim žurnalistam 9 kastryčnika 2012 hoda, na pres-kanfierencyi 15 studzienia 2013 hoda) kazaŭ, što Chalip moža vyjazdžać z krainy, i abiacaŭ arhanizavać joj takuju mahčymaść.

U pryvatnaści, 15 studzienia kiraŭnik dziaržavy, adkazvajučy na pytańnie BiełaPAN, zajaviŭ: «Kali vy chočacie jaje kudyści pavieźci, zaŭtra idzicie da hienieralnaha prakurora. U mianie jość adpaviednyja paŭnamoctvy, vy jaje zabieracie i pavieziacie. Ale jana nie pajedzie». Pavodle słoŭ Łukašenki, «Iryna — razumnaja žančyna, jana dobra razumieje: siońnia jana achviara režymu, zaŭtra pra jaje zabuduć. Voś, peŭna, tamu jana i nie pajechała».

U svaju čarhu namieśnik hienieralnaha prakurora Biełarusi Alaksiej Stuk zajaviŭ BiełaPAN, što prysud Chalip nie ŭtrymlivaje pramoj zabarony na vyjezd za miažu. «Pieraškody dla jaje vyjezdu za miažu, zychodziačy z prysudu, niama. Dla hetaha treba źviarnucca ŭ orhan, jaki zajmajecca vykanańniem prysudu, — kryminalna-vykanaŭčuju inśpiekcyju Partyzanskaha RUUS Minska. Jana za joj ažyćciaŭlaje prafiłaktyčnaje nazirańnie. Nieabchodna źviarnucca tudy z zajavaj, jakuju Chalip chacieła b vykłaści. Načalnik inśpiekcyi razhledzić jaje i prymie zakonnaje rašeńnie», — skazaŭ namieśnik hienprakurora.

Varta adznačyć, što zhodna z zakonam ab vyjeździe ź Biełarusi ŭsie asoby, asudžanyja ŭmoŭna abo z adterminoŭkaj vykanańnia prysudu, aŭtamatyčna ŭnosiacca ŭ śpis asob, jakim zabaronieny vyjezd z krainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?