Červienski rynak u Minsku začyniajecca z 1 lutaha, pradprymalniki ciaham miesiaca pavinny pierajechać na novuju placoŭku.
Ab hetym paviedamiŭ namieśnik staršyni kamiteta ekanomiki Minharvykankama — načalnik upraŭleńnia pradprymalnictva Ivan Jafimaŭ.

Budaŭniki abiacajuć da kanca studzienia zaviaršyć raboty na novaj placoŭcy na miescy byłoha razvarotnaha tralejbusnaha kalca na skryžavańni vulicy Majakoŭskaha i zavułka Majakoŭskaha (niedaloka ad Łošyckaha parku). Kampanija «Niamihaekspartbud» užo vykanała značnyja abjomy rabot, skančajecca mantaž handlovych paviljonaŭ, unutranaja azdableńnie budynkaŭ.

Što tyčycca «Červieńskaha pasažu», raźmieščanaha pobač z rynkam, to na dniach na sustrečy ŭ Minharvykankamie dasiahnuta damoŭlenaść ab praciahu jaho raboty da 1 sakavika.
Heta źviazana ź niehatoŭnaściu placoŭki dla pierajezdu pradprymalnikaŭ (miesca dla raźmiaščeńnia nie vyzvalena pryvatnym uładalnikam).

Na hetym miescy rynka praduhledžvajecca budaŭnictva šmatfunkcyjanalnaha hramadska-dziełavoha i handlova-zabaŭlalnaha kompleksu. Inviestaram vystupaje iranskaja kampanija Didas. Adpaviednaja inviestdamova pamiž ZAT «Didas Internešnł Hrup» (Iran) i Minharvykankamam padpisana ŭ lutym 2011 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?