Dziakujučy pryznačanaj u ZŠA prahramie zaniatkaŭ naš syn, jakomu ŭsiaho 4 hady i ŭ jakoha ciažkaje paražeńnie mozhu, užo ŭmieje čytać. Taksama, pakul jon nie navučyŭsia razmaŭlać, nas navučyli śpiecyjalnaj mietodycy znosin z Eduardam. Samaje ciažkaje ŭ reabilitacyi dziciaci z DCP — heta raźvićcio ruchalnych navykaŭ. Ale tut u našaha syna zaŭvažnyja vyniki — miesiac tamu my ŭpieršyniu ŭbačyli, jak naš syn papoŭz! A heta našaja samaja zapavietnaja mara na siońniašni dzień, bo paśla dasiahnieńnia jaje dla Edzika pačniecca novy etap žyćcia — samastojny ruch!

Ale, na žal, naš šlach prachodzić nie biez prablem. U Edzika mocna abvastrylisia prablemy sa snom i stravavańniem, tamu nam vielmi patrebnaja dapamoha śpiecyjalistaŭ, jakija jość u Instytucie ŭ ZŠA, dzie my prachodzim lačeńnie. Na žal, u našaj krainie nam i ŭ hetym dapamahčy nie zmahli, jak zaŭsiody, śpisvajučy ŭsie prablemy na asnoŭny dyjahnaz — DCP.

U Fiładelfii, nas čakajuć 25 lutaha. My jak mahli sprabavali adterminavać hetuju pajezdku praź ciažkaje finansavaje stanovišča: pryjazdžać raz na paŭhoda, na žal, užo niama mahčymaści. Tolki ŭvosień dziakujučy dapamozie nieabyjakavych ludziej my zdoleli raspłacicca za naš travieński kurs. Bałazie, Instytut idzie nam nasustrač, ale heta nie biaskonca, ich pazicyja ćviordaja: dziciaci nieabchodnaje abśledavańnie i karektavańnie lačeńnia raz na paŭhoda. Na siońniašni dzień sabrana 6800 dalaraŭ, treba sabrać 11 000.

Numary rachunkaŭ, na jakija možna pieraličvać srodki, tut.

Na našym sajcie www.dcp.by my publikujem usie spravazdačy pra sabranyja srodki i vydatki na pajezdki.

Z pavahaj i biaskoncaj udziačnaściu,

Volha, Pavieł i maleńki Eduard

Ad Redakcyi. Maleńki Edzik — unuk dziejača biełaruskaha adradžeńnia Viačasłava Dubinki.

Клас
0
Панылы сорам
0
Ха-ха
0
Ого
0
Сумна
0
Абуральна
0