Upraŭleńniem narkakantrolu i supraćdziejańnia handlu ludźmi UUS Hrodzienskaha abłvykankama sumiesna z AMAP, adździełam vajennaj kontrraźviedki pa vojskach Zachodniaha apieratyŭnaha kamandavańnia KDB 15 studzienia ŭ Hrodnie zatrymany kursant 4-ha kursa vajennaha fakulteta Hrodzienskaha dziaržaŭnaha ŭniviersiteta 1992 hoda naradžeńnia.

Jak paviedamiŭ aficyjny pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič, małady čałaviek padazrajecca ŭ zbycie inšamu navučencu 0,2 hrama hašyšu.

Pa hetym fakcie raspačata kryminalnaja sprava na padstavie č. 3 art. 328 KK, jakaja pieradadziena dla dalejšaha rasśledavańnia va USK pa Hrodzienskaj vobłaści.

Padčas asabistaha vobšuku padazravanaha i ŭ jaho doma znojdziena i kanfiskavana siem skrutkaŭ, vyrablenych sa storublovych kupiur, z rečyvam raślinnaha pachodžańnia, jakoje ŭtrymlivała prykmiety narkatyčnych rečyvaŭ. Aprača taho, jašče adzin skrutak z anałahičnym rečyvam znojdzieny jašče ŭ adnaho navučenca zhadanaha fakulteta.

Vyrašajecca pytańnie ab abrańni ŭ dačynieńni da padazronaha miery strymańnia. Pryznačany chimičnyja ekśpiertyzy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?