U dačynieńni da byłoha dyrektara i troch supracoŭnikaŭ AAT «Mahiloŭdreŭ» zaviali kryminalnyja spravy. Pra heta paviedamiŭ siońnia na pres-kanfierencyi načalnik upraŭleńnia ŭnutranych spraŭ Mahiloŭskaha abłvykankama Fiodar Balejka.

Hetyja spravy źviazanyja ź pieravyšeńniem i złoŭžyvańniem słužbovymi paŭnamoctvami, pramym parušeńniem dziejučaha zakanadaŭstva i aburalnaj biezhaspadarčaściu. Vydzielenyja pradpryjemstvu ŭ 2009 hodzie na madernizacyju vytvorčaści hrošy tak i nie byli vykarystany pa pryznačeńni, a pradpryjemstvu hetym naniesieny surjozny ekanamičny ŭron.

«U hetym hodzie supracoŭniki pravaachoŭnych orhanaŭ jak nikoli efiektyŭna spracavali pa vyjaŭleńni i spynieńni ekanamičnych i karupcyjnych złačynstvaŭ, — adznačyŭ Fiodar Balejka. — Raskryćcio 166 ciažkich i asabliva ciažkich złačynstvaŭ u hetaj śfiery. U liku asabliva rezanansnych — spynieńnie schiem kradziažu kalijnych uhnajeńniaŭ, aŭtamabilnych šyn, ceły šerah surjoznych złačynstvaŭ u ekanomicy. Dziakujučy prafiesijnym dziejańniam našych supracoŭnikaŭ praduchileny ekanamičny ŭron na Vr58 młrd».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?