Ideja pałkoŭnika Uładzimira Baradača, jaki znachodzicca za miažoj, ab vybarach u Kaardynacyjnuju radu apazicyi z dapamohaj internet-hałasavańnia nie znajšła vialikaha vodhuku ŭ asiarodździ palitykaŭ.

«Asobnyja frahmienty supieraktyŭnaści Uładzimira Baradača mnie zdajucca simpatyčnymi. Čałaviek choča niešta prapanavać, — zajaviŭ lidar Abjadnanaj hramadzianskaj partyi Anatol Labiedźka. — U mianie jość da Baradača prapanova, jakaja adpaviadaje jaho tempieramientu. Nie mahu jaje ahučvać — zrablu heta pry sustrečy». Palityk padkreśliŭ, što virtualnaja prastora i ŭsio, što tam adbyvajecca, pavinna być «dadatkam da faktyčnaj realnaści, a nie naadvarot».

«Luboje hałasavańnie ŭ internecie moža być tolki dadatkam da narodnaha prajmieryz. Inšy varyjant nieefiektyŭny.
Narod, zadaje pytańnie» Chto zamiest Łukašenki? «, Pavinien sam vybrać svaich lidaraŭ — prychilnikaŭ pieramienaŭ. Ź ich u pierśpiektyvie moža być abrany adziny kandydat u prezidenty», — skazaŭ staršynia AHP.

Były prem'jer-ministr Michaił Čyhir, da jakoha Baradač taksama źviarnuŭsia z adkrytym listom, pra jaho źmiest daviedaŭsia z razmovy z karespandentam BiełaPAN. «Nikudy nie źbirajusia.

Chaj usio robiać bieź mianie. Čamu? Rasčaravany. Dy i ja ŭžo piensijanier, mnie ŭ hetym hodzie budzie 65 hadoŭ. Chaj advažvajucca maładyja», — skazaŭ Čyhir.
Jon adznačyŭ, što raniej supracoŭničaŭ z Baradačom i ŭ tyja časy pałkoŭnik «nie byŭ takich radykalnych pohladaŭ», ale ciapier, mahčyma, paŭpłyvaŭ adjezd za miažu.

Były śpikier Viarchoŭnaha Savieta 12-ha sklikańnia, staršynia Biełaruskaj sacyjał-demakratyčnaj Hramady Stanisłaŭ Šuškievič zajaviŭ, što žadaje Baradaču pośpiechu. «Kali ŭźnikaje ideja niešta stvaryć abo arhanizavać, ja zaŭsiody zadaju pytańnie: dziela čaho? Hetaja ideja mianie nie zachaplaje, tamu što i tak bolš-mienš jasna, što treba rabić.

Kab zajmacca palitykaj tut, treba mieć peŭnuju mužnaść. A abviaščać łozunhi, siedziačy spakojna za miažoj i karystajučysia internetam, nieskładana. Idej moža šmat ŭźniknuć», — skazaŭ Šuškievič.
Pa słovach palityka, pierad Novym hodam jon sustrakaŭsia z Baradačom u Vilni, ale toj jamu ab padobnaj inicyjatyvie ničoha nie kazaŭ.

Lidar kampanii «Havary praŭdu!» Uładzimir Niaklajeŭ zajaviŭ, što vystupaje za abjadnańnie apazicyi. «Adnak, padtrymlivajučy Baradača ŭ jaho pačynańni, nie sumniavajučysia ŭ patrebie kaardynacyjnaj rady, ja hłyboka sumniavajusia ŭ miechaniźmie, z dapamohaj jakoha jon prapanuje abrać hety orhan, — skazaŭ palityk. —

Internet-hałasavańnie nie źjaŭlajecca miechanizmam, jaki zabiaśpiečvaje lehitymnaść rady».
Niaklajeŭ adznačyŭ, što
padobny orhan płanavałasia abrać na Kastryčnickaj płoščy ŭ Miensku 19 śniežnia 2010 hoda, dzie sabralisia tysiačy demanstrantaŭ.
Viasnoj 2012 hoda z hetaj ža metaj była vyłučana inicyjatyva sklikać Usiebiełaruski źjezd. «Lehitymnaść ža jakaść, jakuju pavinna mieć rada», — padkreśliŭ Niaklajeŭ.

Niekalki dzion tamu Baradač źviarnuŭsia da kiraŭnictva biełaruskich apazicyjnych partyj i ruchaŭ z zaklikam pryniać udzieł u farmiravańni Kaardynacyjnaj rady apazicyi: «Ci zhodnyja vy padtrymać našu inicyjatyvu i vystavić svaich kandydataŭ na vybarach u internecie pradstaŭnikoŭ biełaruskaj apazicyi ŭ Kaardynacyjnuju radu, jakaja ŭ dalejšym zmoža źjaŭlacca kaardynujučym i kirujučym orhanam ŭsich palityčnych siłaŭ Biełarusi ŭ baraćbie za demakratyčnyja pieraŭtvareńni i adnaŭleńnie zakonnaści i kanstytucyjnych pravoŭ hramadzian našaj krainy? "

«Udzieł u vybarach, niezaležna ad vynikaŭ hałasavańnia dla ŭdzielnika, źjaŭlajecca zhodaj na abjadnańnie i vykanańnie ŭsich dyrektyŭ i rašeńniaŭ savieta, — havorycca ŭ zvarocie Baradača. — Paśla vybaraŭ rada supolna ź inšymi strukturami, pradstaŭniki jakich brali ŭdzieł u vybarach, vypracuje adzinuju daktrynu, stratehiju i taktyku baraćby, pradstavić hramadzianam sacyjalna-ekanamičnuju, palityčnuju i nacyjanalnuju prahramy vychadu z kryzisu i raźvićcia Biełarusi. Vybary daduć mahčymaść zadavolić ambicyi palitykaŭ, pakazać rejtynh i davier hramadzian da ŭsich palityčnym strukturam i lidaram, abjadnać usie siły, stvaryć sistemu i pakazać ludziam našu hatoŭnaść i zdolnaść ŭdzielničać i ŭpłyvać na pracesy, jakija adbyvajucca ŭ krainie «. Rada «stanie paŭnamocnym pradstaŭnikom apazicyi ŭ Biełarusi i za miažoj». «Tolki abjadnanaja, sistemnaja i nie padkantrolnaja śpiecsłužbam siła zdolnaja realizavać imknieńnie hramadzian da pieramienaŭ», — piša Baradač.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?