U honar Dnia abaroncaŭ svabody kala Vilenskaha telecentra zapalili pamiatnyja vohniščy.

U honar Dnia abaroncaŭ svabody kala Vilenskaha telecentra zapalili pamiatnyja vohniščy.

13 studzienia spaŭniajecca 22 hady z dnia trahičnych padziej kala vilenskaha telecentra. Nahadajem, mienavita tady dasiahnuła svajho apahieju supraćstajańnie pamiž prychilnikami niezaležnaści i savieckimi vojskami. U noč z 12 studzienia na 13 studzienia kałony savieckaj bronietechniki nakiravałasia ŭ centr Vilni - da budynka parłamienta i telecentra.

13 studzienia 1991 pry šturmie savieckimi sałdatami televizijnaj viežy zahinuli 15 biazzbrojnych ludziej, bolš za 600 było paraniena.

Pa słovach dyrektara Mižnarodnaj kamisii histaryčnaj spraviadlivaści Ronałdasa Račynskasa, 13 studzienia 1991 hoda - adzin z samych važnych dzion u najnoŭšaj historyi Litvy -

heta byŭ samy hałoŭny pierałomny momant na šlachu adnaŭleńnia niezaležnaści. U tyja dni hramadstva zhurtavacca i abaraniła niezaležnaść krainy.
U tyja dni vyrašalisia losy ŭsich narodaŭ i krain, paniavolenych savieckaj impieryjaj, možna skazać, što vyrašałasia budučynia Jeŭropy.

«13 studzienia byŭ losavyznačalny dzień, kali Litva abaraniła svaju niezaležnaść, ale svaboda -- heta nie dadzienaść, tamu kožny z nas pavinien abaraniać jaje. Uspaminajučy pra abaroncaŭ svabody, davajcie ŭspomnim, što połymia śviečki -- nie tolki znak žałoby i sumu. Heta -- i simvał nadziei i ćviordaści », - skazała prezident krainy Dala Hrybaŭskajcie.

13 studzienia prezident budzie ŭdzielničać u imprezie, pryśviečanym Dniu abaroncaŭ svabody ŭ Siejmie i ŭ cyrymonii ŭźniaćcia dziaržaŭnaha ściaha na płoščy Niezaležnaści. Taksama jana ŭšanuje pamiać achviar 13 studzienia na mohiłkach na Antokali.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?