Apazicyjnyja siły viaduć pieramovy pa vyznačeńni adzinaha kandydata na prezidenckich vybarach 2015 hoda. Jak paviedamiŭ Jeŭraradyjo lidar ruchu «Za svabodu» Alaksandr Milinkievič, u pieramovach pakul udzielničajuć try struktury — ruch «Za Svabodu», Partyja BNF i kampanija «Havary praŭdu».

Alaksandr Milinkievič: «Aŭtarytarny režym patrabuje kansalidacyi ŭ vyhladzie adzinaabranaha kandydata. Takuju pracu my viadziem. Prosta jana kułuarnaja, jana nie publičnaja, ale prasoŭvajemsia. I ja dumaju, vypracujem, jak minimum, padychod».

Pakul dzialicca papiarednimi vynikami pieramovaŭ palityk nie pažadaŭ. Ale zaŭvažyŭ, što kali adzinaha kandydata na prezidenckich vybarach 2015 hoda nie budzie, to i ŭdzielničać u ich nie maje sensu. Jak nie maje sensu i bajkot.

Alaksandr Milinkievič:

«U prezidenckaj kampanii abaviazkova treba ŭdzielničać. Nijakich bajkotaŭ nie varta rabić, bo heta jašče bolš dyskredytuje nas. Ale biez adzinaha kandydata niama čaho ŭvohule ŭdzielničać. Chadzić tam hrupami pa niekalki čałaviek z roznymi prahramami, z roznymi metami, ja liču, prosta soramna».

Milinkievič vykazvaje spadziavańnie, što da ich troch struktur u chutkim časie dałučacca inšyja «vialikija hrupy demakratyčnaj supolnaści» i jany razam pasprabujuć vyznačyć ahulny padychod da vybaraŭ prezidenta.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?