Siońnia nočču ŭ v. Chatlany (Uździenski rajon, Minskaja vobłaść) zhareła Carkva Pakrova Praśviatoj Baharodzicy 1898 hoda pabudovy, paviedamiła pres-sakratar Minskaha abłasnoha ŭpraŭleńnia MNS Anastasija Klaban.
Pra pažar, a pałovie čaćviortaj ranicy paviedamiła miascovaja žycharka, jakaja ŭbačyła połymia.

Pieršaje padraździaleńnie ratavalnikaŭ-pažarnych prybyło da miesca vykliku ŭžo praz 3 chviliny. «Poźniaje vyjaŭleńnie i chutki raspaŭsiud ahniu pa drevie spryjali raźvićciu pažaru. Choć pieršaje padraździaleńnie MNS prybyła da miesca vykliku praz 3 chviliny, dach carkvy ŭžo abrynuŭsia. Na poŭnuju likvidacyju pažaru spatrebiłasia bolš 3-ch hadzin», — raspaviała Anastasija Klaban.

Pa słovach vidavočcaŭ, carkva zaharełasia jak porach. Abhareli navat chvoi, što stajali pobač.
Na likvidacyi pažaru byli zadziejničanyja 14 adzinak techniki i amal 30 čałaviek.
Pradstaŭnik MNS prosić ludziej być aściarožnymi i ŭmieć dziejničać pry pažary.
«Kali vy nie spravilisia z zaharańniem sami za 2–3 chviliny, to dalejšaja strata času pryviadzie da jaho raźvićcia. U takim vypadku vyklikajcie ratavalnikaŭ pa telefonie 101», — adznačyła Klaban.

Carkva Pakrova Praśviatoj Baharodzicy ŭ v. Chatlany — pomnik draŭlanaha dojlidstva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?