Biełaruski śpiavak Piatro Klujeŭ adkryvaje dniami chosteł Sky, što mieścicca ŭ dvuchpaviarchovaj kvatery akurat pobač sa studenckim internatam. Generation.bY zavitaŭ napiaredadni adkryćcia ŭ jašče adno mienskaje prysielle biełaruskich i zamiežnych padarožnikaŭ, dzie z paroha naturalnym čynam vitajuć pa-biełarusku.

«Vitać biezumoŭna usich budziem pa-biełarusku, kali nas nie buduć razumieć, to budziem pierachodzić na movu klijenta.
Ja na hetym tak mocna nie akcentuju ŭvahu, ja liču, što heta naturalna», — miarkuje Piatro Klujeŭ.

Čaradu śviežaadkrytych chostełaŭ 2012 hodu zaviaršaje dvuchpaviarchovaja kvatera z 4 bałkonami ŭ centry Miensku. Znachodziačysia ŭ chostele Sky, jaki mieścicca ŭ prybudovie da internata BDUIRa, možna pabačyć roznyja kutki stalicy: ad Pałaca Respubliki da Nacyjanalnaj bibliateki.

Pieranačavać tut, na apošnim paviersie šmatpaviachovika, kaštuje 15 dalaraŭ. Akramia načleha za hetyja hrošy možna budzie napicca kavy, harbaty i padsiłkavacca krekierami.

«Siońnia pieranačavać u Miensku — heta realnaja prablema, hateli darahija. Našyja ludzi da hetaj psichałohii nie padrychtavanyja. I my raźličvajem pierš za ŭsio na zamiežnikaŭ, u nas budzie pradstaŭnictva za miažoj, buduć brytanski i łatyšski numary telefonaŭ», — kaža ŭładalnik Klujeŭ.

«Možna prosta ŭziać i pastavić łožki, ale ludzi tudy nie pajeduć, tamu što chosteł — heta atmaśfiera, heta taksama subkultura. I nie kožny pradprymalnik moža jaje stvaryć, treba mieć dośvied, pažyć u chostełach.
Heta i niejkija cikavyja hadzińniki, admysłovaja litaratura, karciny. I pierš za ŭsio ludzi. Vielmi pryjemna, kali sam uładalnik chosteła padjedzie, pahutaryć, vyrašyć tvaju prablemu z rehistracyjaj, naprykład. Pamyłka šmatlikich chostełaŭ jašče i ŭ tym, što jany nie raźličvajuć na pastajannych klijentaŭ, ja jaje budu vypraŭlać, u tym liku i rabić źnižki pastajannym klijentam».
Taksama Klujeŭ abiacaje źnižki ŭ pabach i kaviarniach Miesnku, a taksama mahčymaść biaspłatna schadzić na biełaruskija kancerty.

Uładalnik chosteła ŭ pošuku supracoŭnikaŭ, jakija dobra vałodajuć biełaruskaj i anlijskaj movami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?