Va ŭpraŭleńni Śledčaha kamiteta pa Minsku zavieršana rasśledavańnie «spravy finansistaŭ», pa jakoj prachodziać były staršynia naziralnaha savieta AAT «Technabank» Uładzisłaŭ Kacarenka i inšyja asoby.

Jak paviedamiŭ aficyjny pradstaŭnik USK Alaksandr Hierasimaŭ, hetyja hramadzianie abvinavačvajucca va ŭčynieńni złačynstvaŭ, praduhledžanych čatyrma artykułami Kryminalnaha kodeksa, — kradziež šlacham złoŭžyvańnia słužbovymi paŭnamoctvami, niezakonnaja pradprymalnickaja dziejnaść, uchileńnie ad vypłaty padatkaŭ, machlarstva.

Z abvinavačańnia vynikaje, što Kacarenka dapamahaŭ kiraŭnikam pryvatnych kampanij uchilacca ad vypłaty padatkaŭ,
pieradavaŭ pryvatnym kampanijam padroblenyja dakumienty i rekvizity padkantrolnych jamu łžepradprymalnickich struktur — rezidentaŭ Rasii i Vialikabrytanii, arhanizavaŭ niezakonny abmien valuty ŭ vielizarnych maštabach.

Uron u vyhladzie niavypłačanych padatkaŭ aceńvajecca ŭ 7 młrd rubloŭ, niezakonny dachod, atrymany hrupaj ad usich vidaŭ niezakonnaj dziejnaści, — u 417 młrd rubloŭ.

Pa spravie prachodziać dzieviać čałaviek, troje ź ich, u tym liku Kacarenka, znachodziacca pad vartaj. Usim vystaŭleny kančatkovyja abvinavačańni.

Materyjały spravy rychtujucca dla nakiroŭvańnia prakuroru dla dalejšaj pieradačy ŭ sud.

Nahadajem, Kacarenka byŭ zatrymany 2 sakavika hetaha hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?