Łapša chutkaha pryhatavańnia. Fota z prajekta Džonatana Błaŭštajna «Koštam u dalar», u jakim fatohraf rabiŭ zdymki ježy, jakuju možna nabyć na $1.
Ź dziacinstva ŭsich staranna pryvučali nie hrebavać supami dy charčavacca paŭnavartasna. Asabliva chočacca
Internet naŭrad ci daść adnaznačny adkaz — śviedčańni pra škodnaść čarhujucca ź vialikimi pastami, jakija śćviardžajuć: «Łokšyna chutkaha pryhatavańnia — ježa jak ježa». Sustrakajucca navat paetapnyja razbory kožnaha kampanienta sa składu praduktu, jakija ŭ vyniku admaŭlajuć niehatyŭnyja efiekty łapšy chutkaha pryhatavańnia.
Kab atrymać kvalifikavany kamientar, «NN» źviarnułasia da hałoŭnaha pazaštatnaha dyjetołaha Ministerstva achovy zdaroŭja RB Maryny Papovaj.
«NN»: Łapša chutkaha pryhatavańnia — škodny pradukt?
Maryna Papova: Usie pradukty chutkaha pryhatavańnia — nie najlepšy vybar.
Praz technałohiju vyrabu takija karysnyja rečy, jak vitaminy dy klatčatka, nie zachoŭvajucca ci zachoŭvajucca ŭ vielmi drobnaj kolkaści. Da taho ž u pradukty chutkaha pryhatavańnia dadajuć kansiervanty i stabilizatary.
«NN»: Jość mierkavańnie, što samaje škodnaje ŭ łapšy — heta supavaja asnova, pakunačak z prypravami, a kali ich nie dadavać, to možna jeści nie chvalujučysia.
Maryna Papova: Łapša chutkaha pryhatavańnia zvyčajna vyrablajecca z muki najvyšejšaha hatunku. Jana vielmi chutka hatujecca, ale nie ŭtrymlivaje amal nijakich karysnych rečyvaŭ. U supavuju asnovu dadajuć hłutamat natryju (uzmacnialnik smaku Je621. — «NN»). Hetaja dabaŭka nie zabaronienaja, ale vyklikaje pryvykańnie i vymušaje čałavieka pastajanna spažyvać pradukty ź joju. Taksama vyklikaje pytańnie jakaść samoj prypravy.
Tannaść — mif
Łokšyna chutkaha pryhatavańnia pazicyjanujecca jak niedarahi i dastupny ŭsim pierakus. Jašče b: ceły abied za 2 ci 3 tysiačy! «NN» užo vyśvietliła, što prastakutnik łapšy «ciahnie» maksimum na harnir nie pieršaj jakaści. Ale i tannaść łapšy chutkaha pryhatavańnia — mif. Zrazumieła, adzin pakunak kaštuje niašmat, ale i łapšy ŭ im 50–100 hramaŭ. Kiłahram łokšyny, vychodzić, kaštuje ad 25 da 100 tysiačaŭ rubloŭ.
Łokšyna — tradycyjnaja ježa ŭschodnich narodaŭ. Vynachodcam łapšy chutkaha pryhatavańnia ličycca japoniec Mamafuku Ando. Jon pačaŭ vyrablać łapšu z pšaničnaj muki, jakuju impartavali ŭ paślavajennuju Japoniju z ZŠA. Ando taksama navučyŭsia aparvać łapšu i smažyć jaje ŭ alei — paśla takoj apracoŭki stravu treba było tolki zalić kipniem. Spačatku łapša Ando ličyłasia dalikatesam, ale potym pierajšła ŭ razrad samych tannych praduktaŭ. Sam Ando kazaŭ, što ŭ jaho racyjonie štodzień prysutničaje łapša jaho ž karparacyi, i dažyŭ da 96 hadoŭ. A japoncy nazvali łapšu chutkaha pryhatavańnia vynachodnictvam.
Chočaš žyć — ješ narmalna
Z časoŭ źjaŭleńnia łokšyny chutkaha pryhatavańnia mała što źmianiłasia: pšaničnuju ci jaječnuju łapšu spačatku abdajuć paraj, a potym smažać u palmavym alei. U składzie łapšy roznych vytvorcaŭ možna znajści aramatyzatary, farbavalniki, razrychlalniki, šmat tłušču i vuhlavodaŭ.
Ale zaparany brykiet chutkaj łapšy nie moža zamianić paŭnavartasnaha abiedu. «Možna
— Asnoŭnaja častka spažyŭcoŭ takich praduktaŭ moža, ale prosta nie choča arhanizoŭvać svajo charčavańnie, — kaža Papova. —
Ništo nie pieraškadžaje ŭziać na pracu tuju ž sumieś zamarožanaj harodniny i pahreć u mikrachvaloŭcy ci źviečara sabrać sabie abied z chatniaj ježy, bo jana zvyčajna lepšaja za luby paŭfabrykat, navat vysokaj jakaści.Usio zaležyć ad žadańnia čałavieka. Kali čałaviek stavić metu być zdarovym i žyć doŭha, jon viedaje, što dyjeta — važny elemient dobraha zdaroŭja, i kłapocicca pra jaje. Astatniaje — adhavorki.
