Amierykanski kabielny kanał TLC pačaŭ pracu nad realici-šoŭ «Najlepšyja chaŭtury» (Best Funeral Ever). Piłotny vypusk šou užo zamoŭleny.

Stvaralniki pieradačy zajavili, što spadziajucca dadać «viesiałości» ŭ pachavalnuju cyrymoniju. U centry ŭvahi prahramy budzie praca pachavalnaha biuro Golden Gate Funeral Home, raźmieščanaha ŭ Dałasie.

Telehledačy ŭbačać, jak supracoŭniki kampanii i svajaki pamierłych buduć płanavać i pravodzić pachavańni.

Adznačajecca, što pachavalnyja cyrymonii buduć nie zvyčajnymi, a tematyčnymi. Tematyka budzie vybiracca ŭ adpaviednaści z rodam zaniatkaŭ, charaktaram i ŭpadabańniami, jakija mieŭ pry žyćci niabožčyk. Ličycca, što heta zrobić raźvitańnie z pamierłym pa-sapraŭdnamu ciopłym.

U piłotnym vypusku hledačy, u pryvatnaści, ubačać pachavańni ŭ kaladnaj stylistycy — z aleniami, elfami i śnieham.
Akramia taho, buduć prademanstravanyja kadry cyrymonii, arhanizavanaj u farmacie barbiekiu z udziełam tancorak i žyvych parsiučkoŭ.
«My aščaślivim siamji pamierłych u najhoršyja momanty ich žyćcia», —
upeŭnieny dyrektar biuro Džon Bekvit-małodšy. Piłotny vypusk šou budzie pakazany 26 śniežnia. Pradziusaram vystupiła kampanija Park Slope Productions.
Клас
Панылы сорам
Ха-ха
Ого
Сумна
Абуральна