Lidzija Jarmošyna i Pavieł Jakubovič, fota z archiva.

Lidzija Jarmošyna i Pavieł Jakubovič, fota z archiva.

Niezaležnyja ŚMI karystajucca papularnaściu siarod vialikich načalnikaŭ. Da takoj vysnovy pryjšli hałoŭny redaktar «Sovietskoj Biełoruśsii» Pavieł Jakubovič i viadučy pieradačy «Karcina śvietu» Juryj Kazijatka ŭ efiry kanała «RTR-Biełaruś».

«My viedajem, što na hrošy Jeŭrasajuza ŭtrymlivajucca ŭ tym liku i apazicyjnyja ŚMI. Ci źjaŭlajucca jany ŭzoram žurnalistyki ci heta savieckaja machroŭščyna?» — zadavaŭ ton Kazijatka.

«Tam jość saviecki balšaviscki prapahandyzm», —
rastłumačyŭ Jakubovič.

Paśla razmova pierajšła na Viktoryju Papovu. «Heta prosta drenny hust, drobnaje chulihanstva i podłaść, — apisaŭ redaktar „SB“ dziejańni Źmitra Łukašuka. — Tak siabie chamy ŭ tramvai pavodziać. Papova maje prava biełarusaŭ lubić ci nie lubić pa toj prostaj pryčynie, što jana sama biełaruska», — apraŭdvaŭ padnačalenuju Jakubovič.

«Jana mieła na ŭvazie biełaruskamoŭnych žurnalistaŭ ci žurnalistaŭ, jakija razmaŭlajuć na trasiancy?» —
pierapytaŭ Kazijatka. «Takich prystavučych, biestaktoŭnych i nachabnych ludziej, jakija zvoniać joj dadomu, na jaje chatni telefon, i sprabujuć niešta z rotu vyrvać», — klajmiŭ Jakubovič.

Paśla stali abmiarkoŭvać papularnaść drukavanych ŚMI i internetu. «Za minskaj kalcavoj nie čytajuć apazicyjnyja haziety. 30%, 40%, časam 60% hetych haziet idzie va ŭtyl», — padzialiŭsia svaimi padlikami redaktar «SB». Pytańni viartańnia samoj «Saŭbielii», roŭna jak i faktaŭ prymusovaj padpiski na dziaržvydańni, nie zakranalisia.

Kazijatka vykazaŭ dumku, što mnohija vialikija načalniki mohuć nie pračytać «Savieckuju Biełarusiju» i nie pahladzieć telekanał, a čytajuć niejkija niedziaržaŭnyja sajty.

Jakubovič pahadziŭsia, što hladziać Chartyju'97, ale nie dla infarmatyŭnaści, a kab daviedacca, što skazali pra susieda pa kabiniecie.
Asabliva jaho razdražniaje, što «na kožny čych Chartyi i jašče čahości pračynajecca niejkaje pačućcio pilnaści, maŭlaŭ, vy čytali, što pra vas napisali?». «Ja adkazvaju, pačytali b vy lepš Dykiensa», — pryznaŭsia Jakubovič.

Zahavaryli pra ananimaŭ u internecie.

«My ž razumiejem, što časam śpiecsłužby hadujuć ich u roznych metach. Heta ž prosta vyznačyć: chto napisaŭ i jaki IP-adras», —
raptam pryznaŭsia Kazijatka. Jakubovič razhubiŭsia: «Heta drenna, heta drenna. U mianie niama panacei ad taho, jak ad ich pazbavicca. Ja nie chaču na hetuju temu havaryć».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?