Pra heta Nasta Pałažanka, niaviesta palitviaźnia Źmitra Daškieviča, raskazała radyjo «Svaboda». «Samaje hałoŭnaje, što ŭ jaho ŭ paradku nastroj. Jon dastatkova badziory i viasioły, što mianie vielmi abradavała. Ź niečaha cikavaha, što jon raspavioŭ — historyja pra pryvidy. Jon pra hetuju historyju i ŭ apošnim liście zhadvaje. Sutnaść u tym, što chtości, albo z turemščykaŭ, albo z aryštantaŭ, jon nie ŭkazvaje, u jaho zapytaŭsia, ci nie bačyć jon pryvidaŭ u svajoj kamiery. Jon adkazaŭ, što nie bačyŭ. Na heta jamu raskazali, što ŭsie, chto siadzieŭ da jaho ŭ hetaj kamiery, skardzilisia na prysutnaść tam pryvidaŭ. I jon ciapier žartuje, što jaho, vidać, pasadzili admysłova ŭ hetuju kamieru dla naładžvańnia suviazi ź inšym śvietam. Žartuje, što, vidać, mała jašče adsiadzieŭ, bo suviaź nie naładžvajecca».

Nasta Pałažanka miarkuje, što skarhi na pryvidaŭ, jakija hučali ad byłych viaźniaŭ, možna patłumačyć drennymi ŭmovami mienavita ŭ hetaj kamiery.

«Vialikaja vilhać, choład, voś ludzi i prydumlajuć pryvidaŭ, kab pieravieścisia ŭ lepšuju kamieru».
Što da Źmitra Daškieviča, pavodle Nasty Pałažanki, jon demanstruje vialikuju maralnuju moc i nie skardzicca ani na ŭmovy, ani na «prydumanych pryvidaŭ».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?