U studzieni 2013 hoda ŭ Biełarusi płanujecca stvaryć adziny karotki telefonny numar darožnaj dyśpietčarskaj słužby dla ŭsioj sietki respublikanskich daroh. Pra heta paviedamiŭ načalnik upraŭleńnia ŭtrymańnia darožnaj sietki departamienta «Biełaŭtadar» Alaksandr Hałaŭnioŭ.

Pavodle jaho słoŭ,

ciapier isnujuć telefonnyja numary darožnaj dyśpietčarskaj słužby dla kožnaj darohi respublikanskaha značeńnia.
Jany ŭkazany na prydarožnych ščytach na ŭjeździe na darohi, adnak padčas ruchu aŭtamabilistam «siamiznačny numar zapomnić niemahčyma», adznačyŭ Hałaŭnioŭ.

Pytańniami stvareńnia adzinaha karotkaha numara zajmajecca pradpryjemstva pa ŭtrymańni i raźvićci srodkaŭ technałahičnaj suviazi «Biełdarsuviaź» departamienta «Biełaŭtadar». Miarkujecca, što

heta budzie trochznačny numar, patelefanavaŭšy na jaki, usie achvotnyja zmohuć vykazać jakija-niebudź pretenzii da darohi abo pieradać važnuju infarmacyju pra darožnyja ŭmovy.
Heta dazvolić darožnym słužbam svoječasova pryniać miery dla ŭstaranieńnia prablemy, ličyć śpiecyjalist. Čakajecca, što apieratyŭnaść reahavańnia značna pavysicca.

«Adzinyja aściarohi ŭ nas jość, što hety numar pieratvorycca ŭ numar nadzvyčajnaha reahavańnia. Pa lubym pytańni telefanavańnie budzie pastupać na hety numar», —

skazaŭ Hałaŭnioŭ. Jon vykazaŭ nadzieju, što heta patencyjalnaja prablema vyrašycca padčas ekspłuatacyi numara.

Jak adznačyŭ śpiecyjalist, na internet-sajcie «Biełaŭtadara» zabiaśpiečana mahčymaść prahladu apieratyŭnaj infarmacyi pra darožnyja ŭmovy pavodle źviestak 45 darožna-vymiaralnych stancyj, ustanoŭlenych na respublikanskich aŭtadarohach. Karystalniki mohuć aznajomicca sa stanoviščam: tempieraturaj pavietra i darožnaha pałatna, vidam apadkaŭ, bačnaściu, stanam darožnaha pakryćcia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?