Viadoma, hałoŭnaje — heta «pravilnaja», radčejšaja i tamu bolš prydatnaja dla zimy aliva, a taksama dobry akumulatar. Ale mała chto, pačuŭšy prahnoz nadvorja, terminova mianiaje alivu i zaradžaje akumulatar. Tamu dla bolšaści zastajecca niekalki najpraściejšych dziejańniaŭ, jakija taksama mohuć dapamahčy.

Raniej było pryniata raić zabirać akumulatar na noč u kvateru. U hetaha recepta jość nievialiki minus: kali ŭ dźviarach mašyny elektrazamki, skarystacca imi ranicaj biez akumulatara nie ŭdasca.
Kab hetaha nie adbyłosia, daviadziecca nie tolki zdymać akumulatar, ale i lić u zamiorzłyja zamočnyja śvidraviny śpiecyjalny sastaŭ, da čaho ŭładalniki elektrazamkoŭ nie pryvučanyja.
Kali ž nie zdymać akumulatar, to ŭ bienzinavych mašynach varta prosta pierad zapuskam prahreć jaho, na niekalki siekundaŭ urubiŭšy dalniaje śviatło.
Miera heta davoli dziejsnaja. I jašče: kab nie pierahružać akumulatar, nie zabyvajciesia padčas pusku nacisnuć na piedal sčapleńnia (u mašynach z ručnoj karobkaj).

Niejtralnaha stanovišča ryčaha ŭ skryncy tut mała: bo pry adpuščanaj piedali matoru daviadziecca krucić i kiravany dysk, i vały ŭ skryncy. I navat paśla taho jak ruchavik zavioŭsia, maje sens niekatory čas patrymać nahu na sčapleńni — kali rezka adpuścić, moža zahłuchnuć i, pa zakonie podłaści, bolš nie zavieścisia.

Nie treba krucić startar zanadta doŭha — lepš dać akumulataru adpačyć, a potym paŭtaryć apieracyju.
I apošniaja z prostych paradaŭ, jakija nie patrabujuć šmat času i hrošaj — kupić admysłovy sprej dla zapusku ruchavika. Niekatoryja rajać raspylać jaho prosta ŭ karbiuratar, ale, jak viadoma, nie ŭ kožnaj mašyny jon jość, a dapamahaje i raspyrskvańnie kala ŭvachodnaj adtuliny pavietranaha filtra.

Minułaj zimoj marazy dachodzili da minus 30, i mnohija pamiatajuć, što ŭ taki maroz navat novyja akumulatary pracavać admaŭlalisia. U takoj situacyi nie panikujcie adrazu.

Kali maroz spadzie, akumulatar iznoŭ pačnie zavodzić, navat kali jaho nie čapać.
A jašče možna prosta źniać jaho i zanieści dachaty na prahreŭ. A kali padzaradzić jaho zaradnaj pryładaj, heta zusim idealna.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?