Za vychadnyja vyšynia śniežnaha pokryva ŭ Biełarusi pavialičycca: u Minsku nablizicca da 30 sm, a ŭ siarednim pa krainie składzie ad 30 da 45 sm, što vyšej za klimatyčnuju normu.

Pra heta paviedamiła BiełaPAN hałoŭny sinoptyk Respublikanskaha hidramieteacentra Ludmiła Paraščuk.

«Taki śniežny śniežań nazirajecca prykładna adzin raz u 15–20 hadoŭ. Apošni raz takija pakazčyki byli zafiksavany ŭ śniežni 1998 hoda», — skazała Paraščuk.

Sinoptyk paviedamiła, što ŭ vychadnyja čakajecca ŭzmacnieńnie marazoŭ, mocny viecier i śniežnyja zanosy. Biełaruś, pavodle jaje słoŭ, stała «polem bitvy» pamiž antycykłonam, jaki ruchajecca z uschodu na zachad, i ciopłym pavietram, što cyrkuluje z zachadu na ŭschod.

Kulminacyja hetaj «bitvy» čakajecca 15–16 śniežnia: tempieratura pavietra pa respublicy apuścicca da minus 10 hradusaŭ dniom i da minus 13 nočču. Śniehapady, pik jakich pryjdziecca na niadzielu, buduć supravadžacca mocnym vietram, što pryviadzie da śniežnych zanosaŭ, raskazała Paraščuk.
Jana rekamiendavała vadzicielam admovicca ad vykarystańnia aŭtamabila biez krajniaj nieabchodnaści.

Z pačatku nastupnaha tydnia ŭpłyŭ antycykłona na terytoryi Biełarusi ŭzmocnicca — heta pryviadzie da dalejšaha panižeńnia tempieratury.

Na poŭnačy i paŭnočnym uschodzie krainy marazy dasiahnuć minus 20–25 hradusaŭ. U Minsku tempieratura apuścicca da minus 10–12, a ŭžo da siaredziny tydnia składzie 18 hradusaŭ marozu.
«Heta na 3–8 hradusaŭ nižej, čym siaredniasutačnaja tempieratura ŭ śniežni. Pavodle papiaredniaha prahnozu, maroznaje nadvorje pradoŭžycca da kanca nastupnaha tydnia», — skazała Paraščuk.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?