Upraŭleńniem pa baraćbie z ekanamičnaj złačynnaściu HUUS Minharvykankama spyniena sproba naniasieńnia HP «Minsktrans» škody ŭ asabliva bujnym pamiery.

Jak paviedamili ŭ pravaachoŭnych orhanach Minska, u chodzie pravierki vykanańnia zakanadaŭstva pry kupli darahoj impartnaj techniki najbujniejšym transpartnym pradpryjemstvam Biełarusi byŭ vyjaŭleny fakt niesumlennaści adnaho z pastaŭščykoŭ.

Tak, pavodle źviestak UBEP HUUS Minharvykankama, TAA «Mary», jakoje źjaŭlajecca aficyjnym dyleram viadomaj karparacyi Iveco ŭ Biełarusi, pavinna było pa zaklučanaj damovie z HP «Minsktrans» pastavić apošniamu novy aŭtobus mižnarodnaha kłasa koštam u 3,5 miljarda rubloŭ (bolš za 400 tysiač dalaraŭ). Adnak u ramkach vykanańnia damovy, dyler pastaviŭ biełaruskamu transpartnamu pradpryjemstvu b/u aŭtobus, košt jakoha byŭ značna nižejšy novaha.

U vyniku zroblenych zachadaŭ pastaŭleny aŭtobus byŭ viernuty nazad dyleru, što praduchiliła naniasieńnie biełaruskamu transpartnamu pradpryjemstvu škody ŭ pamiery bolš za 267 miljonaŭ rubloŭ.

U samym TAA «Mary» kateharyčna admovilisia kamientavać dadzienuju situacyju. Jak zajaviŭ dyrektar kampanii Valancin Prystrom, heta sprava damoŭnych uzajemaadnosin dvuch subjektaŭ haspadarańnia i ničoha bolš.

«Ja nie varjat, kab tak rabić. Kali UBEP raźbirajecca z hetym, to niachaj raźbirajecca, a ja ničoha kamientavać nie chaču i nie budu «. — zajaviŭ dyrektar TAA «Mary».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?