Adna hazieta vyjšła ŭčora z artykułam na pieršaj pałasie «Kryž Źmiciera Daškieviča». Pamyłka!
Takaja pamyłka častaja. Forma imieni «Źmicier» palubiłasia ludziam, ale treba ŭžyvać jaje pravilna. U nazoŭnym skłonie Źmicier, a va ŭskosnych skłonach Źmitra, Źmitru, sa Źmitrom. Množny lik: «sabralisia Źmitry, dzie katory — spanatry». Čyj? Źmitroŭ.
Hetaksama vypadaje «je» i ŭ pamianšalnym imieni Źmitrok. Pamiatajecie: Źmitrok Biadula, a nie Źmiciarok ža.
Takoje skłanieńnie skłałasia histaryčna. Jość prykazka: chicier Źmicier, ale i Saŭka nie durny. Ale: Źmitroŭskija Dziady, vioska Źmitrovičy, kancert Źmitra Bartosika. I hierojski kryž, biezumoŭna, Źmitra Daškieviča, jakomu ŭsie biełarusy zyčać stojkaści ŭ viery, mužnaści ŭ vyprabavańniach i viernaści svajmu narodu.
