Jeŭrasajuz i ZŠA pavinny zastavacca prychilnikami žorstkaj linii ŭ dačynieńni da Biełarusi.
Takoje mierkavańnie ŭ intervju radyjostancyi «Hołas Amieryki» vykazaŭ kiraŭnik pravaabarončaj arhanizacyi Freedom House Devid Kramier.
«Niekatoryja na Zachadzie ličać, što palityka sankcyj pravaliłasia, adnak sapraŭdnaja pryčyna, z-za jakoj sankcyi nie akazali naležnaha ŭpłyvu, toicca ŭ tym, što ŭ listapadzie 2011 hoda Rasija vyratavała Łukašenku šmatmiljardnym kredytam,
— skazaŭ Kramier. — Tym nie mienš my nie pavinny admaŭlacca ad žorstkich sankcyj, a jeŭrapiejskim dziaržavam varta pierahledzieć svaju palityku ź Biełaruśsiu».

Jon adznačyŭ, što abjom tavaraabarotu pamiž ES i Biełaruśsiu pavialičvajecca, što aznačaje, što «hetyja hrošy padtrymlivajuć Łukašenku». «Nam treba i nadalej akazvać nacisk, bo heta adzinaja mova, jakuju jon razumieje. Ja spadziajusia, što Jeŭrasajuz i Złučanyja Štaty praciahnuć hetuju palityku, jak praciahnuć padtrymlivać hramadzianskuju supolnaść i apazicyju ŭ Biełarusi, pakolki heta vielmi važna dla atrymańnia infarmacyi z krainy», — padkreśliŭ Kramier.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?