Minskija abłasnyja ŭłady pradajuć adnu z svaich «błakitnych fišak» — 38,6%-ju dolu vobłaści ŭ AAT «Kirujučaja kampanija chołdynha «Zabudova». Aŭkcyjon adbudziecca 27 śniežnia.

Pačatkovy košt hetaha samaha kaštoŭnaha z prapanavanych ŭ 2012 hodzie vobłaściu pryvatyzacyjnych łotaŭ składaje 121,3 młrd rubloŭ.

Heta adno z najbujniejšych pradpryjemstvaŭ Maładziečanskaha rajona. Ahulnaja dola dziaržavy ŭ im na pačatku 2012 hoda składała 62,52%, u tym liku 19,99% — u respublikanskaj ułasnaści.

U strukturu chołdynhu, jaki viadzie svaju historyju z 1990 hoda, uvachodziać zavod budaŭničych kanstrukcyj (budmateryjały ź jačeistaha i ciažkaha bietona), drevaapracoŭčy zavod (dźviarnyja błoki), zavod dachavaj čarapicy, zavod budmateryjałaŭ (suchija sumiesi) i karjer.

Chołdynh maje ŭłasnuju dystrybucyjnuju kampaniju dla biełaruskaha rynku («Handlovaja kampanija «Zabudova»), handlovuju kampaniju, jakaja pracuje ŭ Rasii («Handlovy dom «Zabudova»), sielskahaspadarčuju vytvorčaść u Maładziečanskim, rybnuju haspadarku ŭ Vilejskim rajonach i budaŭničuju kampaniju.

Akramia «Zabudovy» ciaham śniežnia abłasnyja ŭłady pasprabujuć pradać jašče try aktyvy.

Na aŭkcyjon vystaŭleny 45% akcyj AAT «Meblevy kambinat «Uschod». Pačatkovaja cana składaje 4,759 młrd rubloŭ, tarhi byli zapłanavany na 12 śniežnia.

U ramkach konkursu pradajucca try kamunalnyja pradpryjemstvy — u Žodzina, Krupkach i Barysavie.

Tarhi pa KUP «Žodzinski płodoovaščtorh» pryznačanyja na 17 śniežnia. Pačatkovy košt pradpryjemstva — 5,059 młrd rubloŭ. Ciapier na im pracuje 8 čałaviek, zapazyčanaść składaje 1,402 młrd rubloŭ. Ułady chočuć, kab daŭhi byli pahašanyja, u madernizacyju nakiravana 3 młrd rubloŭ, a taksama na praciahu 5 hadoŭ byŭ zachavany profil pradpryjemstva i pavialičany na 10 čałaviek štat.

Za Krupski drevapierapracoŭčy kambinat arhanizatary tarhoŭ płanujuć vyručyć minimum 4,398 młrd rubloŭ. Inviestycyi pavinny skłaści na praciahu 3 hadoŭ 500 tys. dalaraŭ.

Zhodna z umovami konkursu, kolkaść pracujučych pavinna pavialičycca na 25 čałaviek, hadavy abjom vytvorčaści daviedzieny da 6 młrd rubloŭ. I, viadoma ž, z patencyjnaha pieramožcy zapatrabujuć pahašeńnia ŭsich daŭhoŭ. Tarhi pryznačanyja na 29 śniežnia.

Narešcie, za barysaŭski «Abłasny centr raźvićcia bytavych pasłuh», tarhi pa jakim, mahčyma, adbuducca taksama 29 śniežnia, płanujecca atrymać 641 młn rubloŭ. Uzamien pakupnik pavinien pahasić doŭh (353 młn rubloŭ), davieści kolkaść pracaŭnikoŭ z 42 da 100 čałaviek, ukłaści dadatkova 500 tys. dalaraŭ na praciahu dvuch hadoŭ i abaviazany vypuskać pradukcyi i pasłuh na 4 młrd rubloŭ u hod, ź jakich nie mienš za 25% pavinna sychodzić na ekspart.

Adznačym, što za 2011 hod vobłaści ŭdałosia pradać svaje akcyi ŭ 6 pradpryjemstvach, što pryniesła joj zvyš 20,6 młrd rubloŭ.
Samymi bujnymi ździełkami stali prodažy kantrolnych pakietaŭ ptuškafabryki «Vialacičy» za 15,6 młrd rubloŭ firmie «AFTAB» i barysaŭskaha zavoda «Mietalist» za 3,3 młrd rubloŭ kampanii «Połymia».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?