Novy papaetapny rehulavany pierachod nasuprać «BiełEkspa».

Novy papaetapny rehulavany pierachod nasuprać «BiełEkspa».

Ludzi spačatku pierachodziać da pałovy, a druhaja pałova znachodzicca za 20 mietraŭ. Takaja kanstrukcyja dazvalaje spyniać ruch na minimalny čas. Pry hetym čałaviek vymušana prachodzić peŭny čas proci ruchu i tamu abaviazkova pabačyć mašynu, jakaja nabližajecca.

Ludzi spačatku pierachodziać da pałovy, a druhaja pałova znachodzicca za 20 mietraŭ. Takaja kanstrukcyja dazvalaje spyniać ruch na minimalny čas. Pry hetym čałaviek vymušana prachodzić peŭny čas proci ruchu i tamu abaviazkova pabačyć mašynu, jakaja nabližajecca.

Ale na nastupnym pierachodzie śviatłafora jašče niama — abiacajuć u 2013.

Ale na nastupnym pierachodzie śviatłafora jašče niama — abiacajuć u 2013.

Znak abmiežavańnia chutkaści ŭ 80 km/h (u bok Ždanovičaŭ) visić pierad vystavačnym kompleksam «BiełEkspa», znak abmiežavańnia chutkaści ŭ 70 km/h — mietraŭ praz 10 paśla niebiaśpiečnaha pierachoda.

Znak abmiežavańnia chutkaści ŭ 80 km/h (u bok Ždanovičaŭ) visić pierad vystavačnym kompleksam «BiełEkspa», znak abmiežavańnia chutkaści ŭ 70 km/h — mietraŭ praz 10 paśla niebiaśpiečnaha pierachoda.

Niadaŭna nierehulavany piešachodny pierachod kala vystavačnaha kompleksa «BiełEkspa» na praśpiekcie Pieramožcaŭ zamianili paetapnym pierachodam sa śviatłaforami. Ludzi spačatku pierachodziać da pałovy, a druhaja pałova znachodzicca za 20 mietraŭ. Takaja kanstrukcyja dazvalaje spyniać ruch na minimalny čas. Pry hetym čałaviek vymušana prachodzić peŭny čas proci kirunku ruchu i tamu abaviazkova pabačyć mašynu, jakaja nabližajecca. Takija źmieny vielmi darečy, asabliva kali ŭličvać patok piešachodaŭ, jaki ŭzmacnicca z chutkim adkryćciom supiermarkieta «Karona» ŭ handlovym centry «Zamak». Da hetaha doŭhi čas na hetym miescy była prostaja «ziebra» i pierachod byŭ «słavuty» na źbitych piešachodaŭ.

Ale prostaja «ziebra» jašče zastałasia na nastupnym pierachodzie, kala «Doma viesłavańnia» i futbolnaha manieža. Sam fakt isnavańnia nierehulavanych piešachodnych pierachodaŭ na šmatpałosnym praśpiekcie Pieramožcaŭ (asabliva na ŭčastku z dazvolenaj chutkaściu ŭ 80 km/h) padajecca dziŭnym.

«Pierachodzić strašna. Tut tak niebiaśpiečna! Dazvolena jechać 80, i niama śvietłafora. Ludziej časta źbivajuć», — kaža miascovaja žycharka, jakaja za chvilinu da hetaha ź dziciačym vazočkam pierachodziła praśpiekt.

Zhodna sa statystykaj, jakuju «NN» paviedamiŭ vykanaŭca abaviazkaŭ namieśnika staršyni ADAI Centralnaha rajona Minska Siarhiej Babič, z pačatku 2012 hoda na hetym piešachodnym pierachodzie adbyłosia 14 (!) DTZ z udziełam piešachodaŭ.

DAI abiacaje, što śviatłafor na pierachodzie źjavicca. «U dadzieny čas raspracavana dakumientacyja. Ale patrebny čas, kab pryvieści ŭsio ŭ adpaviednaść z zakanadaŭstvam», — kaža Babič. Viadoma, što śviatłafor źjavicca ŭ 2013 hodzie. Bolš dakładnaha terminu «NN» nie paviedamili. Na pytańnie, čamu śviatłafor nie ŭstalavali adrazu, Siarhiej Babič adkazaŭ, što raniej «intensiŭnaść patoku piešachodaŭ była minimalnaj: nie było futbolnaha manieža i parka „Drymłend“, i pierachod vioŭ prosta ŭ park».

Ale varta zaŭvažyć, što ŭračystaje adkryćcio futbolnaha manieža adbyłosia 26 śniežnia 2002 hoda, a park «Drymłend» pryniaŭ pieršych naviedvalnikaŭ u červieni 2003.

Jašče adzin nierehulavany pierachod na praśpiekcie Pieramožcaŭ znachodzicca kala skryžavańnia z MKAD, dzie ciapier budujecca akvapark. I tam taksama ŭźnikajuć niebiaśpiečnyja situacyi kožna raz, kali rabočyja iduć z pracy i na pracu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?