Śledčym kamitetam Biełarusi zavieršana rasśledavańnie kryminalnaj spravy pa faktach sistematyčnych kradziažoŭ z AAT «Minski aŭtamabilny zavod», učynienych arhanizavanaj złačynnaj hrupaj.
Jak paviedamiła aficyjny pradstaŭnik SK Julija Hančarova, epizody ŭčynienych złačynstvaŭ adnosiacca da pieryjadu sa śniežnia 2009 hoda pa maj 2011 hoda.
Pradmietami kradziažu źjavilisia mižvosievyja dyfierencyjały, šaścierni i inšyja zapčastki, jakija źjaŭlajucca deficytnymi na rynku.Z materyjałaŭ kryminalnaj spravy vynikaje, što adzin z rabotnikaŭ pradpryjemstva razam sa svaim znajomym stvaryli kiravanuju arhanizavanuju hrupu z 26 čałaviek dla ŭčynieńnia kradziažoŭ zapasnych častak ź Minskaha aŭtamabilnaha zavoda.
Dla efiektyŭnaha ažyćciaŭleńnia zadumanaha kiraŭnikami złačynnaj supolnaści byli raźmierkavanyja roli pamiž usimi členami hrupy. Umoŭna złačynnaja hrupa była padzielena na try asnoŭnyja bryhady, u adpaviednaści z funkcyjanalnym pryznačeńniem. Pieršaja, jakaja składajecca z rabotnikaŭ MAZa, nie staviła numary na detali i kanfiskoŭvała ich z vytvorčaha pracesu, chavała na terytoryi pradpryjemstva. Druhaja bryhada tajna vynosiła padrychtavanyja detali, karystajučysia takim čynam arhanizavanym dostupam da miescaŭ ich zachoŭvańnia, i dastaŭlała ŭ śpiecyjalna adviedzienaje miesca. Treciaja bryhada realizoŭvała pryviezienyja detali jak na ŭnutranym rynku, tak i ŭ Rasii.
Atrymanyja hrašovyja srodki paśla raźmiarkoŭvalisia pamiž udzielnikami kradziažoŭ.
Pavodle słoŭ Hančarovaj, abvinavačvanyja pastajanna ŭdaskanalvali svaju dziejnaść. Papiarednie abśledavaŭšy terytoryju, u načny čas, raźbivajučy, dzie treba, lichtary, pranikali na pradpryjemstva ŭ maskach z prarezami dla vačej, majučy znosiny pamiž saboj pry dapamozie radyjostancyj. Paśla ŭčynieńnia kradziažu abvinavačvanyja viartalisia da aŭtamabilaŭ i składali tudy ŭkradzienaje.
Za adzin raz z MAZa vykradałasia detalaŭ na sumu ad 6 da 10 tys. dołaraŭ.
Niastača na pradpryjemstvie ŭtojvałasia słužbovymi asobami, jakija brali ŭdzieł u złačynnaj hrupie šlacham uniasieńnia łžyvych danych u spravazdačnuju dakumientacyju pra kolkaść vyrablenaha tavaru.
Śledstvam ustanoŭleny materyjalny ŭron prykładna na 1,2 młrd. rubloŭ, jaki padčas rasśledavańnia kryminalnaj spravy pakryty ŭ poŭnym abjomie.
Dziejańni ŭdzielnikaŭ arhanizavanaj złačynnaj hrupy kvalifikavany pavodle č. 4 art. 210 KK (kradziež šlacham złoŭžyvańnia słužbovymi paŭnamoctvami, učynieny arhanizavanaj hrupaj u asabliva bujnym pamiery), č. 4 art. 205 (kradziež, učynieny arhanizavanaj hrupaj u asabliva bujnym pamiery) KK.
