MZS Biełarusi nakiravała notu pasolstvu Litvy ŭ suviazi z čerhami na miažy 4

Ministerstva zamiežnych spraŭ Biełarusi nakiravała notu pasolstvu Litvy ŭ suviazi z pavieličeńniem čerhaŭ hruzavoha transpartu na miažy dźviuch dziaržaŭ,

ab hetym paviedamiŭ načalnik upraŭleńnia infarmacyi — pres-sakratar MZS Biełarusi Andrej Savinych.

U nocie ŭ adras litoŭskaha pasolstva vykazvajecca zaniepakojenaść biełaruskaha boku «u suviazi z adnosnym paharšeńniem stanovišča na miažy i pavieličeńniem čarzie hruzavoha transpartu na vyjeździe ź Biełarusi». Asabliva prablemnaj źjaŭlajecca situacyja na punkcie propusku «Kamienny Łoh — Miadzininkaj» (Miedniki).

MZS Biełarusi nahadvaje, što ŭ adpaviednaści ź dziejučymi damoŭlenaściami baki abaviazany afarmlać na biełaruska-litoŭskaj miažy 600 hruzavych transpartnych srodkaŭ u sutki. «Adnak z 5 śniežnia 2012 hoda heta ŭmova litoŭskim bokam nie vykonvajecca», — skazaŭ Andrej Savinych. Biełaruski bok źviartajecca da litoŭskaj z prośbaj zabiaśpiečyć naležnaje vykanańnie raniej dasiahnutych damoŭlenaściej.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH