Takoje mierkavańnie siońnia ŭ čas respublikanskaha supierfinału konkursu «Siamja hoda» vykazaŭ vice-premjer Biełarusi Anatol Tozik.

«Dom, siamja, dzieci — heta stvaralnaja siła ŭ žyćci kožnaha čałavieka. Dziela hetaha my žyviom, pracujem, stvarajem. Kali jość siamja — ty patrebny, a heta adčuvańnie niezamienna dla kožnaha. Kaštoŭnaści siamji ŭ sučasnym hramadstvie źviedvajuć vyprabavańni, i ŭvaha da hetych pytańniaŭ vialikaja va ŭsim śviecie. Naša kraina nie vyklučeńnie. My pierakanany ŭ nieabchodnaści pavyšeńnia prestyžnaści i ŭmacavańnia siamiejnaha ładu žyćcia, praściej kažučy, nieabchodnaści stvareńnia kultu siamji ŭ Biełarusi. U našaj krainie ŭdzialajecca vialikaja ŭvaha padtrymcy siamji. I my ŭžo bačym vyniki», — skazaŭ Anatol Tozik.

Jon padkreśliŭ, što z kožnym hodam u Biełarusi naradžajecca ŭsio bolš dziaciej, raście kolkaść šmatdzietnych siemjaŭ.

Supierfinał respublikanskaha konkursu «Siamja hoda» prajšoŭ siońnia ŭ Biełaruskim akademičnym muzyčnym teatry. U im pryniali ŭdzieł siemjaŭ, jakija stali lepšymi ŭ rehijanalnych etapach konkursu.

Pa vynikach supierfinału lepšaj ź ich stała šmatdzietnaja siamja Hłazkovych z Mahilova. Baćka Mikałaj i maci Taćciana Hłazkova vychoŭvajuć piaciora dziaciej: 20-hadovaha syna Jaŭhiena, 14-hadovuju dačku Volhu, 11-hadovuju Vieru, 10-hadovuju Uljanu i 3-hadovaha syna Jarasłava.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?