Uzrovień biespracoŭja ŭ krainach jeŭrazony dasiahnuŭ novaha rekordu — amal 12%. Takim čynam, ciapier u jeŭrapiejskich krainach biez pracy zastajucca 18,7 młn čałaviek.

I choć u pracentnych adnosinach rost za apošni miesiac byŭ niaznačnym — kala 0,1%, u absalutnych ličbach kolkaść biespracoŭnych pavialičyłasia amal na 200 tysiač čałaviek.

Situacyja ŭ roznych krainach značna adroźnivajecca.
Naprykład, u Hrecyi i Ispanii amal čverć pracazdolnaha nasielnictva zastałasia biez pracy. U toj ža čas u Niamieččynie i Aŭstryi ŭzrovień biespracoŭja składaje kala 5%.

Akramia taho, u Ispanii i Hrecyi, jakija apynulisia ŭ centry jeŭrapiejskaha kryzisu, bolš za pałovu niepracujučaha nasielnictva — ludzi maładziejšyja za 25 hadoŭ. Siarod moładzi ŭzrovień biespracoŭja ŭ hetych krainach składaje amal 60%.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?