Aficyjny vizit u Maskvu prem'jer-ministra Japonii Jesichika Nody, jaki płanavaŭsia na śniežań, adkładzieny na niavyznačany termin.

Pryčynaj, pa słovach japonskaha premjera, stała «drennaje samaadčuvańnie prezidenta Rasii Uładzimira Pucina», paviedamlaje Bi-Bi-Si

Pres-sakratar Pucina Dźmitryj Piaskoŭ ličyć, što vizit japonskaha premjera ŭ Maskvu jašče moža adbycca ŭ bližejšyja miesiacy. «Spadziajemsia, što vizit adbudziecca, i miarkujem, što jon projdzie ŭ druhoj pałovie studzienia», — pryvodzić słovy Piaskova ITAR-TASS.

U kastryčniku ahienctva Reuters sa spasyłkaj na niekalki ananimnych krynic u rasijskim uradzie paviedamiła, što Uładzimir Pucin pakutuje ad bolu ŭ śpinie i jamu ŭ najbližejšaj budučyni moža spatrebicca apieracyja.

U svaju čarhu Alaksandr Łukašenka ŭ intervju Reuters u pačatku hetaha tydnia zajaviŭ, što ŭ Pucina prablemy sa śpinoj.

Łukašenka adkazvaŭ na pytańnie, ci hulaje jon u chakiej z Pucinym: «Jon [Pucin] kaža, my jašče nie hatovyja z tvajoj kamandaj hulać.

Chrybiet dzieści paškodziŭ jon. U baraćbie. Dužaŭsia dzieści na dyvanie i paškodziŭ chrybiet.
Tamu adkładajecca naša sustreča. Ja viedaju jaho hetuju prablemu.
Jon lubić dužacca. Dužaŭsia, dužaŭsia, padniaŭ čałavieka, kidaŭ praź siabie, padviarnuŭ chrybiet».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?