Znajści
Ałharytmičny łacinski varyjant
15.03.2011 / 19:163RusŁacBieł

U vilenskaj kaviarni źjaviŭsia kaktejl ŠOS

Mieksikanskaja tekiła, hranatavy sirop, hranatavyja ziarniatki i try kropli Tabasco…

«Heta, kab padtrymać biełarusaŭ… «, — kaža litoŭski restaratar Edmundas Končus.

Edmundas Končus — uładalnik restarana «Mieksika» ŭ Vilni (Algirdo g. 2). Paśla 19 śniežnia, kali ŭ Biełarusi prajšli prezidenckija vybary, u Vilnius vymušanyja byli biehčy šmatlikija palityčnyja aktyvisty i ŭdzielniki akcyj pratestu suprać falsifikacyi vynikaŭ vybaraŭ.

«Ludziej ź Biełarusi źjaviłasia ŭ Vilni značna bolš, čym raniej, asabliva moładzi. Dumaju, što ludzi biahuć ad situacyi ŭ vašaj krainie, — raspaviadaje Edmundas Končus. — U nas nie vielmi darahaja ŭstanova, i vielmi šmat naviednikaŭ — biełarusy. Ja ŭvieś čas čuŭ, jak jany paŭtarajuć adnu i tuju ž niezrazumiełuju mnie abrevijaturu ŠOS. Razznajomilisia, pahavaryli i vyśvietliłasia, što na biełaruskaj «trasiancy» jana aznačaje «šob on sieŭ…». Zrazumieła chto Jon. I ja viedaju, što možna rasšyfravać hetuju abrevijaturu jašče bolš rezka… «.

Tady ŭ vilenskaha restaratara ŭźnikła dumka padtrymać novych siabroŭ ź Biełarusi i jon prydumaŭ firmovy kaktejl pad nazvaj ŠOS.

«Robicca jon prosta. Mieksikanskaja tekiła, hranatavy sirop, hranatavyja ziarniatki i try kropli Tabasco. Vypivać treba załpam. I tady i horača, i smačna, i jašče chočacca. U vas taksama zaraz u krainie «horača», praŭda zusim niasmačna i chočacca, kab było inakš. Ciapier klijentam-litoŭcam tłumačym, adkul takaja nazva novaha firmovaha kaktejlu «.

Kaktejl ŠOS karystajecca vialikaj papularnaściu, i Končus zaraz zadumvajecca, a nie pierajmienavać jamu restaran z «Mieksiki» u ŠOS?

«Choć, viadoma,

vydatna było b adkryć taki restaran u Minsku.
Voś heta była b «bomba». Naohuł mnie vielmi nie padabajecca, što adbyvajecca ŭ vas u krainie. Vielmi b chaciełasia jak-niebudź dapamahčy. Pakul prydumaŭ kaktejl. Chaču zrabić bolš. Ja pamiataju, jak u nas było dvaccać hadoŭ nazad, viadoma, u nas nie dyktatar byŭ, ale taksama było drenna, ale my jak to vyrašyli heta pytańnie, razam, usia kraina. Ja vieru, što Biełaruś abaviazkova budzie svoodnoj, jak i Litva. Tolki treba niešta rabić. My ž susiedzi, čym možam — dapamahajem… «, — kaža Edmundas Končus.

Chartyja'97

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930