Znajści
Ałharytmičny łacinski varyjant
24.04.2024 / 07:208RusŁacBieł

Z Pałka Kalinoŭskaha vyklučyli Mikołu Dziemidzienku, adnaho ź jaho zasnavalnikaŭ? Raskazvajem usio, što viadoma

Havorka pra kolišniaha namieśnika staršyni «Maładoha frontu».

Mikoła Dziemidzienka. Skrynšot sa stryma PKK

U telehram-kanale Pałka Kalinoŭskaha źjaviłasia paviedamleńnie pra toje, što bajec z pazyŭnym «Mikoła» byŭ vyklučany sa składu Pałka rašeńniem ahulnaha schodu:

«U hałasavańni ŭdzielničała bolšaja častka vajaroŭ Pałka, kolkaść hałasoŭ za vyklučeńnie skłała 84% ad tych, chto prysutničaŭ pry hałasavańni». (Hetamu piarečyć PKK, pa ich słovach, jany nie mohuć paćvierdzić hetuju infarmacyju — «NN»)

Ale praz paru chvilinaŭ dopis byŭ vydaleny. Nijakich inšych padrabiaznaściaŭ na resursach Pałka nie źjaviłasia.

Nastupnym, chto vykazaŭsia z hetaj nahody, staŭ błohier Maksim Šabucki. U svaim videa jon raskazaŭ, što Mikoła byŭ vyklučany «radaj Pałka» za toje, što bolšaści asabistaha składu była niezrazumiełaja jahonaja pazicyja ŭ Pałku, a taksama za «pakaznuju fanaberystaść». Maŭlaŭ, Dziemidzienka pavodziŭ siabie jak «važnaja šyška».

Taksama błohier zajaviŭ, što «dla Mikoły pryhody nie skončylisia i jaho čakaje finansava-karupcyjny praciah, ale ŭ kryminalna-pravavym aśpiekcie».

Šabucki nazyvaje heta «ŭzoram demakratyi» i «pieramohaj».

Nieŭzabavie na byłym sajcie PKK, jaki zabraŭ sabie adzin z administrataraŭ, źjaviłasia infarmacyja pra toje, što adbyŭsia «ahulny schod PKK». Zhodna ź infarmacyjaj na sajcie, na im, akramia vyklučeńnia «Mikoły», byccam dazvolili bajcam udzielničać u vybarach u Kaardynacyjnuju radu i sfarmiravali «pracoŭnuju hrupu» z roznych padraździaleńniaŭ PKK.

U Pałku imia Kastusia Kalinoŭskaha «Našaj Nivie» skazali, što ahučać svaju aficyjnuju pazicyju 24 krasavika da 16:00 pa kijeŭskim časie. My budziem sačyć za aktualnaj infarmacyjaj niepasredna ad kiraŭnictva PKK i apublikujem jaje adrazu paśla publikacyi.

Mikoła Dziemidzienka paśla vyzvaleńnia z aryštu ŭ 2012-m. Fota «Našaj Nivy»

Mikoła Dziemidzienka — 35-hadovy ŭradženiec Rečycy, jaki ŭ dziacinstvie pierajechaŭ u Viciebskuju vobłaść. U nulavyja staŭ aktyvistam «Maładoha frontu», u jakim prabyŭ kala dziesiaci hadoŭ. Pravioŭ bolš za 150 sutak za kratami pa administracyjnych spravach.

Padtrymaŭ Revalucyju hodnaści va Ukrainie. U 2016-m źjechaŭ žyć u Kijeŭ razam z žonkaj i dvuma dziećmi, dzie adkryŭ svaju jurydyčnuju firmu. Na samym pačatku rasijskaha ŭvarvańnia ŭvajšoŭ u Połk Kalinoŭskaha.

«Naša Niva» — bastyjon biełaruščyny

PADTRYMAĆ

Čytajcie taksama:

«Heta śmiech prosta». Urbanovič skieptyčna acaniŭ zajavy štaba Pałka Kalinoŭskaha ab vyzvaleńni Biełarusi

Maładafrontaviec Dziemidzienka: «U 2011 hodzie ja padpisaŭ damovu ab supracoŭnictvie z KDB, a praź dźvie hadziny na volu vyjšła Pałažanka»

Kanadziec z pałka Kalinoŭskaha: «Svajoj rodnaj adzinkaj liču bataljon «Lićvin»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
26
Панылы сорам
18
Ха-ха
8
Ого
3
Сумна
7
Абуральна
5
0
Sajt/adkazać/
24.04.2024
daviedka, dyk sajtu taho niama ŭžo hod jak.
0
Vaša imia./adkazać/
24.04.2024
Na sam reč usio prosta. Hrupoŭka Mikoły (jon sam i jašče niekalki čałaviek jakija karmilisia ź jahonych ruk) zdoleli zachavać kantrol nad sajtam i tielehram-kanałam pałka. I nie žadajuć vykonvać patrabavańni ahulnaha pałkavoha schodu. Tamu adsiul hetyja niezrazumiełaści. 
A tak, Mikołu vypierli za jahonyja pavodziny i niezrazumiełyja finansavyja apieracyi. I heta tolki na polzu ahulnaj spravie.
2
Kraj/adkazać/
27.04.2024
Vaša imia., kohda około Połka načał pojavlaťsia Zienon Poźniak, mnie tak i podumałoś, čto tam pojaviatsia razdory. Eto jeho śpiecifika - ssoriť vsiech so vsiemi.
Možiet, ja ošibajuś, no vpiečatlenije takoje.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031