Znajści
Ałharytmičny łacinski varyjant
23.04.2024 / 07:36RusŁacBieł

Nalot na palicejskich u Vińnickaj vobłaści. U napadnikaŭ było 100 hranat i 25 tysiač patronaŭ

Ad atrymanych ranieńniaŭ zahinuŭ 20-hadovy pravaachoŭnik, a jaho naparnik atrymaŭ ranieńni.

Pravaachoŭnyja orhany Ukrainy ŭžo znajšli ŭ vadajomie, kudy złamyśniki, jakija napali na palicejskich u Vińnickaj vobłaści, vykinuli kala 100 hranat i kala 25 tysiač patronaŭ da strałkovaj zbroi. Pra heta paviedamiŭ kiraŭnik Vińnickaj śpiecyjalizavanaj prakuratury ŭ śfiery abarony Alaksiej Rychluk, piša Ukrainskaja praŭda.

«U vadajomie, u jakim złamyśniki pakinuli bojeprypasy, było znojdziena ŭ ciapierašni čas kala 100 hranat, a taksama kala 100 zapałaŭ da ich, i kala 25 tysiač patronaŭ da strałkovaj zbroi kalibra 5.45. Heta papiarednija źviestki, ciapier śledčyja jašče pravodziać ahlad miesca padziej i apisvajuć usiu astatniuju majomaść».

Pavodle źviestak prakurora, złamyśniki adznačyli, što hetyja bojeprypasy jany pieravozili ŭ svoj dom u Vińnickaj vobłaści.

Nočču 20 krasavika rabotniki palicyi spynili dla pravierki aŭtamabil, u jakim znachodzilisia dvoje mužčyn. Złamyśniki adkryli ahoń pa palicejskich. Ad atrymanych ranieńniaŭ zahinuŭ 20-hadovy pravaachoŭnik, a jaho naparnik atrymaŭ ranieńni.

Suchaputnyja vojski USU paćvierdzili, što na videa, jakoje vierahodna źniata z bodzi-kamiery palicejskaha paśla rasstrełu patrula ŭ Vińnickaj vobłaści ŭ noč na 20 krasavika, prysutničajuć vajskoŭcy adnoj z bryhad.

Potym stała viadoma, što na terytoryi Vińnickaj vobłaści znajšli aŭto, na jakim pierasoŭvalisia zabojcy palicejskaha, i bojeprypasy, jakija adnosiacca da vajskovaj majomaści. Napadnikaŭ zatrymali ŭ niadzielu 21 krasavika ŭ Adeskaj vobłaści.

Pa słovach kiraŭnika MUS Ihara Klimienki, zatrymanyja vajskoŭcy, jakija ździejśnili stralbu z palicejskimi ŭ Vińnickaj vobłaści, mahčyma bajalisia, što buduć vykrytyja, pakolki pieravozili bajavyja hranaty ŭ aŭtamabili.

Sud 22 krasavika aryštavaŭ abodvuch padazravanych biez prava ŭnieści zakład.

Čytajcie taksama:

Va Ukrainie šukajuć baćku i syna, jakija rasstralali palicejskaha

Pad Adesaj zatrymali baćku i syna, jakija rasstralali palicejskaha. Im pahražaje pažyćciovaje

Bajkier, zatrymany za rasstreł rasijskich palicejskich, akazaŭsia ni pry čym

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
3
Панылы сорам
1
Ха-ха
0
Ого
4
Сумна
4
Абуральна
9
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031