Znajści
Ałharytmičny łacinski varyjant
22.04.2024 / 20:384RusŁacBieł

Łukašenka padpisaŭ zakon pa pytańniach pradprymalnickaj dziejnaści. Što čakaje IP?

Indyvidualnych pradprymalnikaŭ čakajuć źmieny. Zarehistravać IP z 1 kastryčnika zmohuć nie ŭsie, a častka pradprymalnikaŭ zmoža praciahnuć dziejnaść tolki da 1 studzienia 2026 hoda. «Naša Niva» raźbirałasia, jakaja asnoŭnaja roźnica ŭ pracy IP i jurydyčnaj asoby.

Ilustracyjny zdymak. Fota: «Naša Niva»

Što adbudziecca?

Vidy dziejnaści, jakimi mohuć zajmacca indyvidualnyja pradprymalniki, urad vyznačyć da 1 lipienia. Pa vidach dziejnaści, jakija nie ŭvojduć u śpis, nielha budzie adkryvać novyja IP užo pačynajučy z 1 kastryčnika 2024 hoda. 

Dziejnyja pradprymalniki, čyja vidy dziejnaści nie trapiać u dazvoleny śpis, majuć prava pracavać da 1 studzienia 2026 hoda. Kab praciahvać pracu dalej, im treba budzie transfarmavacca ŭ jurydyčnuju asobu. Dla takich IP uvodzicca sproščany paradak pierachodu ŭ jurasobu.

Hetyja źmieny možna nazvać čarhovym krokam na šlachu pa skaračeńni kolkaści IP u Biełarusi.

Čamu biznes nie śpiašajecca pierachodzić ź IP u jurasoby?

Indyvidualny pradprymalnik moža najmać da troch najomnych rabotnikaŭ i prynamsi pakul maje prava zajmacca lubym vidam ekanamičnaj dziejnaści. 

Tym nie mienš, z 2024 hoda ŭ dačynieńni da IP užo byli ŭviedzienyja šerah abmiežavańniaŭ.

Kali ŭ IP vyručka ciaham kalandarnaha hoda pieravysić 500 tysiač rubloŭ, to jon bolš nie zmoža zastavacca ŭ raniejšym statusie — treba stvarać jurydyčnuju asobu. Razam z hetym pradprymalnikaŭ pazbavili mahčymaści pracavać z PDV. Hetyja dźvie normy, jakija dziejničajuć z 1 studzienia 2024 hoda, i biez taho skaracili mahčymaści biznesu pracavać u jakaści IP. 

Źjaŭleńnie dazvolenych śpisaŭ vidaŭ dziejnaści jašče bolš skarocić pole dla manieŭru i prymusić stvarać jurydyčnuju asobu. Ale daloka nie kožny pradprymalnik zmoža paśpiachova praciahnuć pracu ŭ novym jurydyčnym statusie.

Ilustracyjny zdymak. Fota: «Naša Niva»

Sačycie za ličbami

U adroźnieńnie ad IP, jurydyčnyja asoby nie majuć nijakich abmiežavańniaŭ pa kolkaści najomnych supracoŭnikaŭ i pa abarocie, a taksama majuć mahčymaść pracavać z PDV. Ale takija prefierencyi patrebnyja nie ŭsim, tamu mnohija vybirali pracu mienavita ŭ jakaści IP.

Reč u tym, što status jurydyčnaj asoby patrabuje najaŭnaści buchhałtara. Akramia taho, u jurydyčnaj asoby bolš vysokaja padatkovaja nahruzka. U pieršuju čarhu za košt adličeńniaŭ u FSAN.

Častka prybytku, jakuju ŭłaśnik biznesu budzie atrymlivać u jakaści zarobku, abkładajecca 35% adličeńniami ŭ FSAN, a taksama 13% padachodnaha padatku i 1% piensijnych adličeńniaŭ.

Naprykład, kab stvaralnik jurasoby, jon ža dyrektar, moh atrymać na ruki 2580 rubloŭ, firma musić vydatkavać na heta 4050 rubloŭ. Bo 1050 składuć adličeńni ŭ FSAN, jakija zapłacić kampanija. Dyrektaru naličać 3000 rubloŭ, ź jakich jon užo jak fizičnaja asoba zapłacić 13% padachodnaha padatku i 1% piensijnaha.

Ilustracyjny zdymak. Fota: «Naša Niva»

A voś IP płacić tolki 20% padachodnaha padatku i fiksavanuju sumu ŭ FSAN, jakaja raŭniajecca 35% ad minimalnaha zarobku pa krainie. Na ciapierašni momant heta kala 220 rubloŭ u miesiac.

Padatkovaja nahruzka na dyvidendy nižejšaja. Z prybytku pradpryjemstva pavinna apłacić 20% padatku na prybytak, a z rešty sumy — 13% padachodnaha. Adnak aščadžać na adličeńniach u biudžet možna raz na hod. Naprykład, prybytak za 2024 hod možna budzie atrymać tolki ŭ 2025-m.

Roźnica nie tolki ŭ sumie padatkaŭ

Akramia hetaha, IP moža jak zaŭhodna rasparadžacca svaimi aktyvami. Z hrašyma firmy tak nie atrymajecca, pakolki jany naležać jurydyčnaj asobie, a nie fizičnaj, jak u vypadku ź IP.

Zasnavalnik kampanii štomiesiac moža raźličvać tolki na zarobak. Dyvidendy ž možna atrymać tolki pa vynikach hoda paśla składańnia buchhałtarskaj spravazdačnaści.

Taksama nie varta zabyvać, što ŭ vypadku vyjaŭleńnia jakich-niebudź parušeńniaŭ štrafy ŭ dačynieńni jurydyčnych asob vyšejšyja, čym u dačynieńni IP.

Čytajcie taksama:

Ź lipienia IP zmohuć padavać u padatkovuju tolki elektronnuju dekłaracyju. Pasłuha nie biaspłatnaja

Pradavać miescy ŭ čerhach na miažy možna absalutna lehalna. Ci vyhadna atrymlivajecca?

Łukašenka padpisaŭ zakon pa pytańniach pradprymalnickaj dziejnaści

Daniła Łuckievič

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
6
Ха-ха
4
Ого
1
Сумна
3
Абуральна
23
0
Paŭluk/adkazać/
22.04.2024
Dadatkova, u kampanii adrasu ŭźnikajuć prablemy ź jurydyčnym adrasom. U asobnych vypadkach jaho mahčyma rehistravać pa miescy žycharstva ŭładalnika, ale adrazu vystrielvajuć kamunalnyja płaciažy, bo dahetul ŭ Biełarusi isnuje pierakryžavalnaje subsidavańnie kamunalnych płaciažoŭ. Heta zamiest taho, kab dapamahać usim achvotnym madernizavać žyllo. U vypadku ž arendy pamiaškańniaŭ u manapalista HHU stanovišča jašče horš, bo tam dadajecca parazit u vyhladzie manapalista BiełEB, u vyniku čaho kamunalnyja i ekspłuatacyjnyja płaciažy z-za archaičnaści va ŭsich adnosinach budynkaŭ HHU ulatajuć u kosmas pry vielmi nizkaj jakaści pasłuh. Pa sutnaści, stvareńnie kampanii adrazu pavialičvaje pastajannyja vydatki niezaležna ad finansavych vynikaŭ pracy, što vielmi baluča dla małaha biznesa. Heta nie kažučy ab tym, što režym rabuje biznes praz administracyjnyja vydatki i pabory, štučna stvoranyja im na karyść utrymańnia raspampavanaha dziaržaparata, siłavikoŭ i hamancoŭ łukašenki.
0
Vušacki/adkazać/
23.04.2024
Užo skoka hadoú žmuć etych iPešnikaú - usë nijak nie dažmuŤ..
0
Žyvie Biełaruś/adkazać/
23.04.2024
Faktyčna biełarusy buduć vybirać pamiž karmić siabie i svaju siamju ci nie karmić nievylečna chvoraha dzieda, jaki banić usio (((
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031