Znajści
Ałharytmičny łacinski varyjant
22.04.2024 / 08:476RusŁacBieł

Były kuratar hrupy samazabojcaŭ «Sini kit» ciapier raskazvaje školnikam pra vajnu i patryjatyzm

U 2019 hodzie stvaralnika hrupy «Sini kit», jaki schilaŭ padletkaŭ da samahubstva, prysudzili da 6 hod kałonii, a ciapier jon chodzić pa škołach i raskazvaje pra tak zvanuju SVA — vajnu va Ukrainie. 

 Alaksandr Hłazaŭ u škole. Fota: Bajavoje braterstva, staronka Alaksandra Hłazava

Natatku pra vystup Alaksandra Hłazava z padmaskoŭnych Lubierec kanał «Niemaskva» vyjaviŭ na sajcie Usierasijskaha tavarystva vieteranaŭ «Bajavoje braterstva». U ramkach mierapryjemstva «Z čaho pačynajecca patryjatyzm» u škole №1 horada Kacielniki jon raspavioŭ vučniam 8 kłasa pra słužbu ŭ «zonie SVA». 

U 2019 hodzie Hłazava prysudzili da šaści hadoŭ kałonii za schileńnie padletkaŭ da samahubstva. Na svaich staronkach va Ukantakcie jon raźmiaščaŭ kantent dla tych, chto źbirajecca skončyć žyćcio samahubstvam. 

Udzielnikam hrupy davaŭ zadańni — padniacca na dachi damoŭ ci budaŭničyja krany i tam siabie sfatahrafavać, pierabiehčy cieraz čyhunačnyja šlachi pierad ciahnikom, nanosić sabie kalectvy — naprykład, rezać lozami ruki. Apošni etap — samahubstva. 

Na sudzie Hłazaŭ pryznaŭ siabie vinavatym. Jon śćviardžaŭ, što hulaŭ u hulniu «Sini kit», vykonvajučy zadańni niejkaha kuratara, a zatym jamu samomu prapanavali stać kurataram, nibyta abiacajučy zapłacić za kožnaha hulca 800 tysiač rubloŭ. Jak vynikaje z pratakołu Lubiereckaha suda, mužčyna davioŭ da sproby samahubstva adnu dziaŭčynu, ale jaje paśpieli vyratavać supracoŭniki palicyi. 

U 2019 hodzie sud prysudziŭ Hłazavu 6 hod kałonii.

Na volu jon vyjšaŭ daterminova, paśla ŭdziełu ŭ vajnie va Ukrainie. Na svajoj staroncy va UKontaktie jon publikuje fatahrafii, źviazanyja z PVK «Vahnier» i aktyŭna zaklikaje ŭstupać u šerahi najmitaŭ. 

Kolki jon prabyŭ na froncie, nieviadoma. Mahčyma, atrymaŭ ranieńnie — miarkujučy pa zdymkach, na adnoj ruce ŭ jaho nie chapaje palcaŭ.

Čytajcie taksama:

Biełpoł: Vahnieraŭcaŭ u Biełarusi źbirajucca pryniać na słužbu pa kantrakcie

Atrad śpiecnazu «Bierkut» pieratvaryli ŭ vajskovuju čaść

PVK «Vahnier» viarbuje žycharoŭ Biełarusi dla adpraŭki ŭ Afryku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
5
Ха-ха
7
Ого
1
Сумна
2
Абуральна
19
0
Śpiecyjalny vajenny kit/adkazać/
22.04.2024
U pryncypie, jon praciahvaje zajmacca tym ža - schilaje moładź da samahubstvaŭ. Tolki nazva ŭ śmiarotnaj hulni inšaja.
0
qwerty/adkazać/
22.04.2024
Hrupy samazabojcaŭ, a nie samazabojc. Papraŭcie
0
usie pry spravie/adkazać/
23.04.2024
Praciahvaje schilać padletkaŭ da samahubstva
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera