Znajści
Ałharytmičny łacinski varyjant
21.04.2024 / 23:3968RusŁacBieł

Jak źmianiŭsia vobraz Cichanoŭskaj za 2020—2024 i jak jana hladzicca pobač ź inšymi lidarkami ŠMAT FOTA

«Biełsat» sabraŭ staryja i novyja fota Śviatłany Cichanoŭskaj, a taksama spytaŭ, što ab hetym dumaje stylistka.

Cichanoŭskaja da 2020 hoda

Śviatłana Cichanoŭskaja ŭ Paryžy, Francyja. Hety zdymak u 2020 hodzie vykarystoŭvali na samych pieršych pikietach pa zbory podpisaŭ

Śviatłana Cichanoŭskaja (Pilipčuk) naradziłasia 11 vieraśnia 1982 hoda ŭ Mikaševičach. Z 12 hadoŭ jeździła ŭ Irłandyju pa prahramie «Dzieci Čarnobylu». Skončyła fiłałahičny fakultet Mazyrskaha dziaržaŭnaha piedahahičnaha ŭniviersiteta. U 2004 hodzie vyjšła zamuž za tahačasnaha ŭładalnika mazyrskaha «55 club» Siarhieja Cichanoŭskaha. Pierajechała ŭ Homiel, pracavała pierakładčycaj z anhielskaj movy.

Stylistka Hanna Pryšyvałka kaža, što była pryjemna ździŭlenaja, kali pabačyła fota Cichanoŭskaj u dziacinstvie: heta «takaja tonkaja, zhrabnaja, hareźlivaja i žyćciaradasnaja dziaŭčynka»; kłasičny prahresiŭny padletak kanca 1990-ch, vobraz adpaviadaje ŭzrostu i času.

Cichanoŭskaja ŭ pačatku vybarčaj kampanii

Śviatłana Cichanoŭskaja, adzin ź pieršych aficyjnych zdymkaŭ vybarčaj kampanii. Pačatak červienia 2020 hoda

Siarhiej Cichanoŭski prasłaviŭsia jak błohier i aŭtar kanału «Strana dla žiźni». Śviatłana doŭhi čas była chatniaj haspadyniaj, hadavała dziaciej, syna Karnieja i dačku Ahniju. U 2020 hodzie jon abviaściŭ ab žadańni bałatavacca ŭ prezidenty. Kali jamu admovili ŭ rehistracyi inicyjatyŭnaj hrupy (pasadziŭšy pad aryšt), rehistravacca pajšła žonka. Śviatłana Cichanoŭskaja nie spyniła kampaniju, kali muža znoŭ kinuli za kraty i kali stali pahražać dzieciam. Choć i kazała raz za razam, što vymušanaja heta rabić i što nie adčuvaje siabie charyzmatyčnaj.

Toje, jak Cichanoŭskaja vyhladała pierad vybarami, žyŭšy ŭ roli «žonki i maci», stylistka nazyvaje «kłasičnaj i charakternaj karcinaj dla našych šyrotaŭ»: žančyna z hałavoj sychodzić u vychavańnie dziaciej i całkam addaje siabie siamji, «zabivaje na siabie» i nie nadta namahajecca mieć modnuju pryčosku ci trendavaje adzieńnie. Ale ŭ tahačasnaj Cichanoŭskaj surazmoŭca bačyć nie tolki stomu i «lohki nalot pafihizmu», ale i ciepłyniu, utulnaść.

Cichanoŭskaja paśla abjadnańnia štaboŭ

Maryja Kaleśnikava, Śviatłana Cichanoŭskaja i Vieranika Capkała paśla abjadnańnia vybarčych štaboŭ: Cichanoŭskaj, jakuju zarehistravali, Viktara Babaryki i Valeryja Capkały, jakich nie zarehistravali kandydatami

Śviatłanu Cichanoŭskuju padtrymali štaby Viktara Babaryki i Valeryja Capkały, jakich nie dapuścili da vybaraŭ. Kampanija Cichanoŭskaj źbirała vializnyja mitynhi ŭ šmatlikich haradach Biełarusi. Prahrama Cichanoŭskaj była prostaj: spynieńnie hvałtu, vyzvaleńnie palitviaźniaŭ, novyja demakratyčnyja vybary. Pavodle niezaležnych padlikaŭ, Cichanoŭskaja pieramahła ŭ pieršym tury prezidenckich vybaraŭ ź nie mienš jak 56% hałasoŭ.

Hanna Pryšyvałka adznačaje transfarmacyju vobrazu Cichanoŭskaj u čas vybarčaj kampanii, ale nie viedaje, ci zajmalisia joj stylisty mienavita tady, ci prosta niešta padkazali bolš «miedyjnyja» paplečnicy Maryja Kaleśnikava i Vieranika Capkała. Lubimyja vobrazy Cichanoŭskaj taho času ŭ surazmoŭcy — z fotasiesii duetu fatohrafaŭ «Kanapleidiki» (biełaja kašula i čornaja spadnica, jak na mienskim mitynhu 19 lipienia 2020 hoda) i sa dnia vybaraŭ. Stylistka bačyć, što ad hetaha vobrazu z pastelnymi tonami i lohkimi kudzierami «sychodzić takoje śviatło, stolki žanockaści, niejmavierny vajb».

«Viedajecie, heta taki sapraŭdy simvał, takaja amazonka, — kaža Hanna Pryšyvałka pra Cichanoŭskuju ŭ čas vybarčaj kampanii. — Mocnaja, ale niejmavierna pryciahalnaja, vielmi šmat žanockaści i ŭ toj ža čas niejkaj matčynaj ciepłyni ŭva ŭsim hetym. To bok, sapraŭdy voś taja žančyna, jakaja ŭvasablaje niejki simvał, niejkaje lidarstva, jaki naš narod palubiŭ, jakomu naš narod pavieryŭ, i za jakim hatovy byŭ iści».

Alaksandr Łukašenka nie pryznaŭ parazy, raspačaŭ masavyja represii. Śviatłanu Cichanoŭskuju prymusova vyvieźli ŭ Litvu. Adtul jana sprabavała kiravać pratestami, stała pradstaŭlać Biełaruś na mižnarodnaj arenie. U vyhnańni i ŭ novym statusie źmianilisia jak imidž Cichanoŭskaj (jana stała bolš stroha apranacca, pastryhłasia karaciej i pierastała zaviazvać vałasy ŭ chvost), tak i ton jejnych vykazvańniaŭ (na kudy bolš rezki i ŭpeŭnieny).

Cichanoŭskaja ŭ pieršyja miesiacy emihracyi

 

Stylistka pazityŭna aceńvaje pracu kalehi nad vobrazam Cichanoŭskaj u emihracyi: «Praca zroblenaja jakasna, vielmi pradumana», akuratny aficyjny styl, jaki adpaviadaje dziejnaści i pasyłu, jaki Cichanoŭskaja niasie. Asabliva surazmoŭca adznačaje stryžku: jana «vielmi mocna źbiraje vobraz», Cichanoŭskaja ŭžo asacyjujecca z hetym pramym kare biez hryŭki na kaštanavych vałasach — heta jejnaja «fiška», firmovy znak.

Cichanoŭskaja ŭ 2021 hodzie

U 2021 hodzie vuličnyja pratesty ŭ Biełarusi byli zdušanyja. Cichanoŭskaja nie nazyvała siabie vybranaj prezidentkaj, ale stała faktyčnaj lidarkaj demakratyčnych siłaŭ. Za miažoj jaje prymali na tym ža ŭzroŭni, što prymali kiraŭnikoŭ dziaržavaŭ. Jana nastojvała na mižnarodnym cisku na režym Łukašenki, damahałasia sankcyjaŭ suprać režymu i dapamohi biełarusam. Cichanoŭskaja stała ŭsio čaściej užyvać biełaruskuju movu, kazać pra nacyjanalnyja kaštoŭnaści.

Hanna Pryšyvałka pryznaje, što da kanca 2023 hoda vobrazy Cichanoŭskaj zdavalisia joj nie nadta aktualnymi, ź niatrendavymi detalami. Kaža, kali možna ŭžo było nasić žakiety bolš volnaha pakroju z padniataj i pašyranaj linijaj plača, kali byli aktualnyja «jak by mužčynskija» kašuli i bolš doŭhija štany sa strełkami ci štany-pałaca, Cichanoŭskuju praciahvali apranać u ciesnyja žakiety, błuzki z «abackim» kaŭnieram, karotkija štany, jakija abciahvajuć nohi… I nabor vobrazaŭ u pieršyja hady byŭ abmiežavany.

Surazmoŭca padkreślivaje: heta nie było kiepska, ale i nie było «supieraktualna». Jak na pryjomie ŭ prezidenta Polščy Andžeja Dudy ŭ 2021-m: nabližanyja da Cichanoŭskaj mahli dazvolić sabie bolš pyšnyja narady, Śviatłana ž vyhladała vielmi strymana i ścipła, vielmi akuratna.

Cichanoŭskaja ŭ 2022 hodzie

U dzień pačatku poŭnamaštabnaha ŭvarvańnia Rasiei va Ukrainu Śviatłana Cichanoŭskaja była ź vizitam u Francyi, vystupiła pierad biełaruskaj i ŭkrainskaj dyjasparami, a taksama zapisała zvarot da kiraŭnictva biełaruskich Uzbrojenych siłaŭ z zaklikam nie vykonvać złačynnyja zahady. 24 lutaha 2022 hoda

Z pačatkam poŭnamaštabnaj vajny va Ukrainie Cichanoŭskaja stała jašče bolš rašučaj u vykazvańniach adnosna Łukašenki i Uładzimira Pucina (choć pieršy čas pa vybarach paźbiahała antypucinskaj rytoryki i zaklikała Pucina spynić padtrymku Łukašenki), źviartałasia da biełaruskich vajskoŭcaŭ z zaklikami nie vykonvać złačynnyja zahady, vystupała ŭ padtrymku Ukrainy. U žniŭni sklikała Abjadnany pierachodny kabiniet — faktyčna ŭrad u vyhnańni. U kastryčniku stała nazyvać siabie vybranaj prezidentkaj.

Hanna Pryšyvałka maje teoryju: mahčyma, Cichanoŭskaja apranałasia ścipła, bo tak i było zadumana, kab nie było abureńnia tym, što Cichanoŭskaja marnuje hrošy na adzieńnie. Surazmoŭca zhadvaje, jakoje abureńnie było, kali na navahodnim videazvarocie ŭ kancy 2022 hoda Cichanoŭskaja siadzieła z kubkam za 22 jeŭra.

Stylistka dadaje, što joj bolš padabajucca vobrazy Cichanoŭskaj, dzie padkreślenaja jejnaja žanockaść i lohkaść. Ale takija byli pieravažna pierad vybarami, ciapier takija redka bačnyja.

Cichanoŭskaja ŭ 2023 hodzie

Ciaham 2023 hoda Cichanoŭskaja zajmałasia kansalidacyjaj demakratyčnych siłaŭ i sprobami naładzić stasunki z Ukrainaj, baraniła intaresy biełarusaŭ u vyhnańni i nastojvała na ŭzmacnieńni sankcyjaŭ suprać režymu, zapuściła kampaniju za jeŭrapiejski vybar biełarusaŭ i prasoŭvała prajekt «Pašpartu Novaj Biełarusi»… Razam z tym, Cichanoŭskaja nie zdabyła ŭpłyvu na situacyju ŭ samoj Biełarusi, a demakratyčnyja siły nie znajšli šlachoŭ spynieńnia represijaŭ i vyzvaleńnia palitviaźniaŭ.

Stylistka bačyć, što ciapier adbyvajecca transfarmacyja vobrazu Cichanoŭskaj: siłuety stanoviacca bolš aktualnyja, u vobraz pačynajuć akuratna dadavać aksiesuary, źjaŭlajucca kantrastnyja kolery, jakija pasujuć Śviatłanie.

Cichanoŭskaja ŭ 2024 hodzie

U 2024 hodzie Cichanoŭskaja praciahvaje rabić pryblizna toje ža, što i ŭ 2023-m: choć nie moža naŭprost źmianić situacyju ŭ Biełarusi, namahajecca adstojvać intaresy biełarusaŭ i damahacca cisku na režym Łukašenki, pradstaŭlaje Biełaruś na mižnarodnaj arenie i sprabuje zrabić tak, kab Biełaruś nie vypała z paradku dnia demakratyčnaha śvietu.

Hanna Pryšyvałka nazyvaje svaje lubimyja stroi Cichanoŭskaj: bieły ci čorny kaściumy z fuksijevaj błuzkaj (jak na zahałoŭnym fota ź vizitu na samit «Vialikaj siamiorki» ŭ Italii i jak na fota ź niadaŭniaha vizitu ŭ Kanadu), błakitny ź biełaj błuzkaj (jak na kanfierencyi «Novaja Biełaruś» u 2023 hodzie), pylna-ružovy ź biełaj błuzkaj (jak na videazvarocie ŭ vieraśni-2023).

Cichanoŭskaja i zamiežnyja palityčnyja lidarki

Cichanoŭskaja praviała bieźlič sustrečaŭ z zamiežnymi lidarami — prezidentami, premjerami i ministrami. Siarod ich było niamała žančyn — jość mahčymaść paraŭnać, jak hladzicca vybranaja prezidentka Biełarusi i jak hladziacca lidarki demakratyčnych krainaŭ. Na dumku stylistki, Cichanoŭskaja hladzicca «vielmi i vielmi na ŭzroŭni» pobač z zamiežnymi palitykami.

@nashaniva Pa sacsietkach hulaje dziŭnaje fota «Śviatłany Cichanoŭskaj». Heta ŭkid prapahandy #biełaruś#śvietłanatichanovskaja#śviatłanacichanoŭskaja#biełaruskajamova#biełorusy#biełaruśnovosti#našaniva#łukašienko♬ Horror, Fear, Mystery, Suspense, Criminal, Terror, Halloween, Movie, Soundtrack, OST, TV Game, Creepy(1323087) - SAKUMAMATATA

Čytajcie taksama:

Cichanoŭskaja adkazvaje chiejtaram, aceńvaje płan Prakopjeva i kaža, ci prabačyć Łukašenku. Hladzicie TOK

Jany viernucca! Jak vyhnańniki ŭznačalili palityku postkamunistyčnaj Jeŭropy

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
293
Панылы сорам
66
Ха-ха
54
Ого
56
Сумна
130
Абуральна
313
2
Diemos schavajet/adkazać/
22.04.2024
Anton, Łukašienko tožie kromie " stichov Bykova" pochožie ničieho nie čitał. Odnako lachtarat kupiłsia na ura. A Śvieta łučšie. :))
1
Nievierojatnyj/adkazać/
22.04.2024
Hłavnoje čtoby dietki krasivyje byli.
0
Hleb/adkazać/
22.04.2024
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031