Znajści
Ałharytmičny łacinski varyjant
21.04.2024 / 09:062ŁacBieł

Blinkien asabista lacić u Kitaj z «apošnim kitajskim» nakont pastavak Rasii

Dziaržsakratar ZŠA Entani Blinkien asabista papiaredzić Kitaj pra pahrozu sankcyj praz pastaŭki ŭ Rasiju.

Dziaržsakratar ZŠA Entani Blinkien. Fota: AP Photo / Gregorio Borgia

ZŠA hatovyja ŭvieści sankcyi, u vypadku kali Piekin praciahnie pastaŭlać u Rasiju technałohii padvojnaha pryznačeńnia — pra heta dziaržsakratar ZŠA Entani Blinkien źbirajecca asabista papiaredzić kitajskich čynoŭnikaŭ, piša BBC sa spasyłkaju na FT. 

Vizit Blinkiena ŭ Kitaj adbudziecca 24-26 krasavika. Pavodle źviestak ŚMI, dziaržsakratar pavinien budzie danieści, što ZŠA i ich sajuźniki stanoviacca ŭsio bolš nieciarpimymi da padtrymki rasijskaj vajskovaj mašyny Piekinam, jaki pastaŭlaje ŭ Rasiju ŭsio — ad čypaŭ da ruchavikoŭ dla kryłatych rakiet. 

Blinkien nie płanuje raskryvać, jakija miery raspačnuć ZŠA, piša FT. Adnak, pa danych krynic vydańnia, Vašynhton razhladaje mahčymaść uviadzieńnia sankcyj u dačynieńni da kitajskich finansavych ustanoŭ i inšych arhanizacyj. 

Adzin z surazmoŭcaŭ FT skazaŭ, što ciapierašniaje pasłańnie Blinkiena budzie «samym vyraznym papiaredžańniem, jakoje ZŠA kali-niebudź pieradavali asabista kitajskim čynoŭnikam». 

Namieśnik dziaržsakratara Kurt Kempbeł rastłumačyŭ, što, na dumku ZŠA i ich sajuźnikaŭ, Kitaj padryvaje jeŭrapiejskuju biaśpieku, pastaŭlajučy Rasii technałohii padvojnaha pryznačeńnia i adnačasova sprabujučy raźvivać bolš ciesnyja ekanamičnyja i palityčnyja suviazi ź Jeŭropaj. 

Kempbeł zajaviŭ, što ZŠA «vielmi adkryta» vykazvajuć svaje aściarohi, i Blinkien padymie hetaje pytańnie ŭ hutarcy ź ministram zamiežnych spraŭ Kitaja Van I.

Čytajcie taksama:

Stała viadoma, kali Sienat ZŠA budzie hałasavać za pakiet dapamohi Ukrainie

Daviadziecca adkazać — Piaskoŭ adreahavaŭ na rašeńnie ZŠA dapamahčy Ukrainie

Zakonaprajekt zachavaje tysiačy i tysiačy žyćciaŭ — Zialenski prakamientavaŭ rašeńnie Pałaty pradstaŭnikoŭ ZŠA

ZŠA akažuć dapamohu Ukrainie pamieram $61 miljard

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
36
Панылы сорам
0
Ха-ха
0
Ого
1
Сумна
0
Абуральна
1
3
Starobiłorus/adkazać/
21.04.2024
Davaj Antoni. Chopiť užie z jimi cackatisie. Khłobalnaja khieopolityka povinna vyriešatisie Złučanymi Štatami. Usiakija Kitai, Rośsiei i Irany musiať sostupiti mijasto sopraŭdnomu lideru Suśvijata.
10
Žabraki/adkazać/
21.04.2024
Bajden pieratvaryŭ pieršuju krainu śvietu ŭ žabrakoŭ, vymolivajučych va ŭsialakaj šałuponi pasłuhi. Ťfu ! Soramna hladzieć. Moža Tramp viernie ZŠA śvietavuju pavahu?
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera