Znajści
Ałharytmičny łacinski varyjant
19.04.2024 / 19:302RusŁacBieł

«Tydzień siadzieli ŭ zasadzie». Budanaŭ raskazaŭ, jak siońnia nočču źbili rasijski Tu-22

«Doŭha čakali, rychtavalisia, urešcie zmahli», — tak kiraŭnik Hałoŭnaha ŭpraŭleńnia raźviedki Minabarony Ukrainy adkazaŭ na pytańnie Bi-bi-si — Ukraina pra toje, jak udałosia źbić rasijski stratehičny bambardziroŭščyk Tu-22MZ, jaki hetaj nočču ŭdzielničaŭ u čarhovym udary pa Ukrainie.

Na videa z sacsietak vidać padzieńnie Tu-22M3

«Tydzień była, skažam tak, sama «zasada». Čakali, kali jon vyjdzie na patrebny rubiež», — rastłumačyŭ kiraŭnik HUR.

Jon zajaviŭ, što nie chacieŭ by raskryvać detali apieracyi. Ale ŭdakładniŭ, što samalot źbili na adlehłaści 308 km. I dla jaho źniščeńnia vykarystoŭvali «tyja ž pryjomy i tyja ž srodki, jakija vykarystoŭvali, kali źniščyli ŭ pavietry samalot A-50».

Pa danych HUR, u rasijanaŭ jašče jość samaloty takoha vidu. Ale, padkreśliŭ Budanaŭ, «heta pieršaje źbićcio samalota dalokaj avijacyi ŭ hetaj vajnie», ad jakoha Adesie budzie troški lahčej ciapier».

Budanaŭ rastłumačyŭ, što samaloty Tu-22M3 vykarystoŭvali rakiety Ch-22, «jakija, mabyć, bolš za ŭsio prynieśli mienavita razbureńniaŭ pa horadzie». Ź jahonych słoŭ, hetyja mahutnyja i chutkija rakiety «nichto nie moh pierachapić».

Ale, pakolki heta jašče savieckaja raspracoŭka, dakładnaść hetaj rakiety «nie takaja ŭžo vialikaja».

A tamu «bolšuju kolkaść cyvilnych budynkaŭ źniščyli mienavita hetyja rakiety».

Ciapier rasijanam daviadziecca šukać novyja puskavyja rubiažy dla zapusku rakiet, i jany buduć vymušanyja ŭžyvać «tolki naziemnyja kompleksy dla ŭdaraŭ pa Adesie i rakiety z dalokaj avijacyi i z mora».

«Ch-22, ja spadziajusia, bolš nie ŭbačać», — vykazaŭ mierkavańnie kiraŭnik HUR.

Raniej ukrainskija vajskoŭcy zajavili, što 19 krasavika im upieršyniu ŭdałosia źbić rasiejski stratehičny bambardziroŭščyk Tu-22M3. Heta nośbit kryłatych rakiet Ch-22, jakimi jon moh atakavać ukrainskija harady i ŭ hetuju piatnicu, padčas čarhovaha masiravanaha ŭdaru.

Heta była sumiesnaja apieracyja vajennaj raźviedki i pavietranych sił, paviedamili ŭ HUR. 

«Usio byvaje ŭpieršyniu. My ŭpieršyniu źbili ŭ svoj čas «Kinžał», upieršyniu źbili «Cyrkon». Ciapier voś upieršyniu źbili Tu-22. Nu, čakajem ciapier Tu-95», — skazaŭ śpikier pavietranych sił Illa Jeŭłaš.

U toj ža čas u rasijskim Minabarony zajavili, što rakietanosiec Tu-22M3 «raźbiŭsia paśla bajavoha zadańnia». A pryčynaj padzieńnia mahła być «techničnaja niaspraŭnaść».

Pa paviedamleńniach rasijskich ŚMI, samalot upaŭ u Staŭrapolskim krai ŭ biaźludnaj miascovaści.

«Piłoty katapultavalisia, try členy ekipaža ŭžo znojdzienyja, praciahvajucca pošuki jašče adnaho piłota», — paviedamili ŭ rasijskim Minabarony.

A rasijskaje dziaržaŭnaje ahienctva «RIA Naviny» sa spasyłkaj na miascovaha hubiernatara, piša, što prynamsi adzin piłot zahinuŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
101
Панылы сорам
1
Ха-ха
6
Ого
1
Сумна
2
Абуральна
7
2
Słava Ukrainie!/adkazać/
19.04.2024
Jeśli by zapadnyje strany dali vsie nieobchodimoje sovriemiennoje vooružienije, vklučaja samolety i dalnobojnyje rakiety, to ukraincy užie davno by uničtožili nie odin takoj russkij samolet. Na diesiatiletija by zabyli ob russkoj uhrozie. Čtoby vosstanoviť takije samolety rf potriebujetsia diesiatki let.
0
znaj ich aaaa/adkazać/
19.04.2024
A pryčynaj padzieńnia mahła być «techničnaja niaspraŭnaść».

Hy-Hy-Hy !!!!!!!!!!!  Ŝi iz topora i ... śbili. NATOvcy łajtie oružije. I uviditie, šo takie ukraińska śmiekałka.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera