Znajści
Ałharytmičny łacinski varyjant
19.04.2024 / 12:174RusŁacBieł

Navukoŭcy pieratvaryli žyvych prusakoŭ u hrupu mini-kibarhaŭ

Pieršyja vyprabavańni prajšli ŭ Sinhapury. Što heta moža dać?

Madahaskarski prusak. Fota: Wikimedia Commons

Jak piša The Independent, hrupa daśledčykaŭ z Nańjanskaha technałahičnaha ŭniviersiteta ŭ Sinhapury aprabavała ŭ pustynnaj miascovaści svajo vojska bujnych madahaskarskich prusakoŭ (Gromphadorhina portentosa).

Dla kiravańnia imi na śpinkach nasiakomych ustalavali malusieńkija kampjutarnyja zaplečniki, abstalavanyja elektrodami. Ź ich dapamohaj navukoŭcy mahli pasyłać impulsy, kaardynujučy ruchi tarakanaŭ. Pry hetym nasiakomyja mahli samastojna abhinać pieraškody.

Jak adznačaje vydańnie, kiravać asobnymi tarakanami navukoŭcam udavałasia i raniej. Ale ŭ hetym vypadku havorka idzie mienavita pra hrupu z 20 asobin, ruch jakoj udałosia kaardynavać.

Dla hetaha byŭ raspracavany ałharytm navihacyi z vykarystańniem lidara hrupy — prusaka, jaki viedaŭ metavuju pazicyju i vioŭ astatnich za saboj. Tak što kiravańnie pa sutnaści źviałosia da karekcyi kirunku ruchu pravadyra. Astatnija aryjentavalisia pa ŭzajemnym raźmiaščeńni adzin na adnaho.

Pa słovach daśledčykaŭ, hrupa prajaviła niekalki intryhoŭnych asablivaściaŭ padčas pierasoŭvańnia pa terytoryi, jakaja imitavała składanyja ŭmovy pustyni z uzhorkami i skałami.

Tak ałharytm uzajemadziejańnia pamiž susiednimi prusakami dapamahaŭ kibarham vybracca sa składanaj situacyi. Navukoŭcam udałosia zadakumientavać, jak prusaki dapamahali svajmu sabratu znoŭ ustać na nohi, kali toj vypadkova pierakulvaŭsia na śpinu.

Daśledniki spadziajucca, što taki roj prusakoŭ-kibarhaŭ možna budzie vykarystoŭvać u pošukava-vyratavalnych apieracyjach paśla stychijnych biedstvaŭ abo pry daśledavańni zon pavyšanaj ryzyki.

«Heta daśledavańnie robić układ u halinu rojevaj robatatechniki i demanstruje patencyjał intehracyi bijałahičnych arhanizmaŭ z robatatechnikaj i teoryjaj kiravańnia dla stvareńnia bolš intelektualnych aŭtanomnych sistem, jakija mohuć być vykarystany dla vykanańnia kankretnych zadač u paŭsiadzionnym žyćci», — adznačajecca ŭ daśledavańni.

Čytajcie taksama:

Hetaha majskaha žuka lepš nie čapać. Čym jon niebiaśpiečny i dzie vodzicca ŭ Biełarusi?

«Usie pad kajfam». Pacuki źjeli rečavyja dokazy z marychuanaj u palicejskim upraŭleńni Novaha Arleana

Mužčyna ŭzarvaŭ kvateru, sprabujučy zabić tarakana

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
1
Ха-ха
2
Ого
2
Сумна
0
Абуральна
1
2
Stiopa /adkazać/
19.04.2024
Nu prosto dla vyratovalnych opieracij … infiekcionnyje boleźni budut raznosiť ili jady… obyčno vsia ich nauka etomu słužit
0
Stop tarakan!/adkazać/
19.04.2024
Dzie tam u Synhapury pustynnaja miascovaść, cikava?
0
Chuč/adkazać/
19.04.2024
Tarakanija biahi!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera