Znajści
Ałharytmičny łacinski varyjant
19.04.2024 / 23:55149RusŁacBieł

Usaŭ patrabuje, kab Cichanoŭskaja pieraabrałasia ŭ 2025-m

Palityk Pavieł Usaŭ pierakonvaje, što elektaralny davier, nadadzieny Śviatłanie Cichanoŭskaj, skančajecca praz hod. A značyć, upeŭnieny Usaŭ, patrebnyja vybary, jakija b zabiaśpiečyli joj farmalnaje prava na «tytuł».

Śviatłana Cichanoŭskaja

Pavieł Usaŭ vystaŭlaje niekalki čarhovych pretenzij Cichanoŭskaj i jaje kamandzie.

Pieršaje pytańnie, naturalna, hrašovaje. Usaŭ zadajecca pytańniem, kolki kaštujuć vizity Cichanoŭskaj. Jon niejak padličyŭ, što na kožnuju pajezdku kožnaha ŭdzielnika delehacyi treba tracić minimum $1000. A značyć, maŭlaŭ, na hod tolki na adnaho čałavieka vychodzić prykładna kala $90 tysiač.

Usaŭ vymušana pryznaje, što vizity adbyvajucca za košt zaprašalnikaŭ, ale adrazu ž sam u siabie pierapytvaje: «Ale ci zaŭsiody tak?».

«Tym nie mienš fakt zastajecca faktam, jak i toje, što zbolšaha hetyja vizity pustyja i niepatrebnyja, bo nijak nie ŭpłyvajuć na los biełarusaŭ i Biełarusi», — padsumoŭvaje palityk.

Tamu Usaŭ prapanuje stvaryć prahramu «Narodny palityk» — kab na praciahu 15 chvilin kožny ministr, kožny kandydat u prezidenty, kožny daradca, kiraŭnik demakratyčnych struktur i fondaŭ raspaviadaŭ pra svajo materyjalnaje stanovišča, z čaho žyvie i jak zarablaje.

Druhoje pytańnie — lehitymnaść. Tut pretenzii Usava jość i da Cichanoŭskaj, i da jaje ministraŭ, i da Kaardynacyjnaj rady.

«Jakim pravam Cichanoŭskaja nazyvaje siabie prezidentam-elektam?» — zadajecca pytańniem Usaŭ i adkazvaje, što faktyčna jana — «nie isnujučy prezident-elekt, abrany na nielehitymnych, sfalsifikavanych vybarach».

«Jakim pravam i na asnovie čaho byŭ sfarmiravany kabiniet i paklikany «ministry»? — aburajecca Usaŭ. — Navat pa łukašenkaŭskaj kanstytucyi prezident nie moža być kiraŭnikom uradu!» «Faktyčna apazicyja nastvarała struktur, jakija nie majuć nijakaj, chacia b bazavaj lehitymnaści, jakija nie majuć prava pradstaŭlać biełarusaŭ i kazać ad imia biełarusaŭ», — padsumoŭvaje jon. Na dumku Usava, u Cichanoŭskaj jość tolki emacyjnaja lehitymnaść, jakaja bazujecca na pazityŭnych adnosinach biełarusaŭ.

I tut jon padychodzić da hałoŭnaha:

«Kali my razvažajem pra praviły i pravy, … to elektaralny davier nadadzieny Śviatłanie Cichanoŭskaj, skančajecca praz hod. Na siońniašni momant niama nijakich inšych lehitymnych miechanizmaŭ, akramia vybaraŭ, jakija b zabiaśpiečyli Cichanoŭskaj jaje farmalnaje prava na «tytuł». I jakim pravam jana budzie «zachoŭvać» svaju pasadu «prezidenta-elekta» i «kiraŭnika kabinietu» nieviadoma. Luby palityčny status patrabuje lehitymizacyi: ideałahičnaj, emacyjnaj, strukturna-instytucyjanalnaj (elektaralnaj), a da 2025 hodu ničoha z hetaha isnavać nie budzie».

Čytajcie taksama:

Usaŭ raić Cichanoŭskaj: Kab stać lidaram, a nie maryjanietkaj, treba razahnać Viačorku i Krasulinu

Franak Viačorka pra Vusava: Heta niezdarovaja krytyka, u jaho fiksacyja na Ofisie Cichanoŭskaj

Bałkuniec i Usaŭ raskazali rasijskamu ŚMI pra absalutny pravał Cichanoŭskaj pa ŭsich frantach

Pavieł Usaŭ: Nikoli nie krytykavaŭ Cichanoŭskuju, bo jana taho nie vartaja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
22
Панылы сорам
29
Ха-ха
20
Ого
1
Сумна
6
Абуральна
33
3
babrujčanin /adkazać/
21.04.2024
Čym adroźniaviecca palitołach Usov ad palitołochaŭ Suzdalcieva i jaho vučnia Bałtunca ?? Adčuvańnie pa adnim " padručnikam" vučyliś
4
.../adkazać/
22.04.2024
Adkaz Paŭła Usava. https://t.me/s/usovpavel/1531 https://t.me/s/usovpavel/1532
0
Biełarus/adkazać/
22.04.2024
Pytańnie , Ironija zrazumiełaja, što treba ličyć ad 1996 hodu. Ale padziei 2020 hodu - heta kropka niezvarotu. Da hetaha nie było takoha šyrokaha ŭdziełu hramadstva. Tamu złačynnaś i niesapraŭdnaść łukašysckich cykłaŭ zrabiłasia vidavočnaj. Mienavita dziakujučy ŭdziełu. Źjavilisia pierakanaŭčyja i šmatlikija dokazy, čaho nie było raniej. Tamu tak - u 2020 varta było ŭdzielničać, bo masavy ŭdzieł vykryŭ machlarstva chunty. I pakolki hetaja sprava ŭžo zroblena, dalejšy ŭdzieł u mierapryjemstvach akupacyjnaj administracyi biessensoŭny. Ale toje, što hetyja padziei dhetul nie prymajucca mienavita jak akupycyja - pytańnie asobnaje. I pieravažna da ludziej, adkaznych za infarmacyjnuju prastoru. Historyja 2022 hodu - heta ŭvohule nie pra "vybary", a pra sprobu mabilizacyi hramadstva na tle raspačataj vajny. Ale i hetuju pravierku my nie prajšli. Bo pad akupacyjaj składana mabilizavacca. I tym bolš składana, kali hetaja akupacyja nie pryznajecca tvaimi ŭłasnymi chaŭruśnikami, jakija praciahvajuć stavicca da režymu, jak da niečaha aficyjnaha i biełaruskaha - to bok demanstrujuć niesalidarnaść ź losam Krainy. Nie kažučy ŭžo ab darečnaści i etyčnaści palityčnaj kankurencyi ŭ vajenny čas. Mienavita hetkaje staŭleńnie i rujnuje jednaść, a taksama dapamahaje režymu vydavać siabie za toje, čym jon nie źjaŭlajecca - za "aficyjny biełaruski bok". Z usimi nastupstvami hetkaha pryznańnia: ad lehalizacyi handlu z chuntaj da pamyłkovaha staŭleńnia da biełarusaŭ i našaj prablemy z boku inšych dziaržaŭ. Ničym dobrym heta dakładna nia skončycca.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera