Znajści
Ałharytmičny łacinski varyjant
18.04.2024 / 15:5120RusŁacBieł

Volha Łojka adkazała Chalezinu: «Heta nie pracuje» — zabivaje. Dumajcie, što pracuje, i sprabujcie paŭtaryć

Byłaja palitźniavolenaja, žurnalistka Volha Łojka adreahavała na intervju Mikałaja Chalezina «Našaj Nivie».

Čytajcie: Vialikaja hutarka z Chalezinym — jak prapanoŭvali adlot Łukašenku, pra Sańnikava i žurnalistyku 90-ch, teatr i hrošy

«Voś na dniach vyśvietliłasia, što ja jašče niapravilna spadziavałasia. Spadar Chalezin prajšoŭsia pa ŭsim «niapravilnym» Tutbai, nie zabyŭšysia zhadać asabista.

«I tamu ja tak aburyŭsia, naprykład, intervju Łojki. Heta dziŭnaja pazicyja, dzie havorycca pra toje, što ja siadžu ŭ turmie i chtości pavinien byŭ pa mnie vieści efiektyŭnyja pieramovy. «Voś kali b byŭ Zisier, jon by vyrašyŭ». Heta nie tak pracuje, nichto b ciapier nie damoviŭsia. Adzinaje, čaho ŭdałosia damahčysia — heta miždziaržaŭnyja pieramovy. Abarona svaich hramadzian — heta abaviazak krainy, tamu Šviejcaryja navat mahła ŭručyć davierčyja hramaty, kab vyzvalić svaju hramadzianku».

A jašče Tutbaj — «pošta», i navinavaja «kvazi-stužka», «jakaja nibyta davała naviny, ale nie ŭsie, tamu što ceły šerah tem byŭ zakryty».

Abiascenić kankurenta — narmalnaja praktyka. Ale Zisier pamior, a Zołatava i Čekina atrymali pa 12 hadoŭ kałonii. Atrymali — za svaju pracu, svaju pazicyju, svoj maštab upłyvu. Praz Akreścina i SIZA prajšli 15 supracoŭnikaŭ kampanii, praz dopyty, pahrozy i strašnyja namioki — dziasiatki. Paśla ŭsiaho hetaha samy čas paśpiachovamu teatralnamu dziejaču razmazać Tutbaj jak «pradukt kanfarmizmu». Choć i «ekanamična pravilna vybudavany». I na tym dziakuj.

Zastałosia apraŭdvacca za «niapravilnyja» nadziei. Jakich, darečy, za kratami nie toje kab u lišku. Spadziajucca na svaich prezidentaŭ (uładalniki inšych pašpartoŭ), na USU, na Boha, dy na adčajnuju upartaść blizkich. Byŭ by padčas majho siadzieńnia žyvy Juryj Anatoljevič [Zisier] — być i jamu pobač z USU i Boham, nu darujcie.

Tak, sapraŭdy vielmi dziŭnaja pazicyja — spadziavacca, što dla tvajho vyratavańnia niešta zrobiać. Jak zrabili ŭ inšych paśpiachovych karparatyŭnych kiejsach, dzie biełarusy i biez zamiežnych pašpartoŭ vyjšli na volu. Pamiatajecie, byli historyi PandaDoc, «Pres-kłuba», «21-ha stahodździa»? Usie siadzielcy — pamiatajuć. I spadziajucca, što buduć i jašče.

I chočacca, kab nadzieja nie pamierła ŭ tych, chto siadzić. Chaj vierać u Dudu, Bajdena, Dobkina, Zialenskaha, Cichanoŭskuju, pravilna heta ci nie.

«Heta nie pracuje» — zabivaje. Dumajcie, što pracuje, sprabujcie paŭtaryć», — napisała Volha Łojka.

Čytajcie taksama:

Volha Łojka: Chto moh by vieści pieramovy pa palitviaźniach? Treba šukać vychad na ŭmoŭnaha Abramoviča 

Łojka: Najlepšaja navina, jakuju ja čakała za kratami, — što telehram-kanał Tut.by zakryli ŭ abmien na Zołatavu

Volha Łojka raskazała, jak zdymałasia dla prapahandysckaha filma pra Tut.by

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
46
Панылы сорам
15
Ха-ха
1
Ого
2
Сумна
7
Абуральна
9
1
naziralnik/adkazać/
19.04.2024
Jašče raz nahadvaju, što palityčnaja cenzura na tutbai sapraŭdy isnavała, asabliva pa čutlivym dla režyma pytańniam, jak falsifikacyi "vybaraŭ", asabliva z dokazami.
Bolej taho, hetyja łojki samyja pahadžajucca ź Ziśsieram, što toje vyklučna biźnies. Dyk čaho narakać na lusterka?
1
Kisa pakryŭdziłaś/adkazać/
19.04.2024
Chiba toj fakt, što tutbaj źniščyli i niekatorych žurnalistaŭ pasadzili daje im niejkuju indulhiencyju ad krytyki? Nia treba być Chalezinym kab bačyć zaškvary tutbaja. Nibyta nie było supracy z hebe, i supracoŭniki nie mieli maderatarskija pravy na forumach dzie vydalali ŭsie nacyjanalnaja aryjentavanyja pasty zadoŭha da 2020-ha? A jak nakont trešavaj infarmacyjnaj palityki, ni słova pa-biełarusku, niejkaja rubryka była, vyciahvali paskudstva z haziet rasiejskaj impieryi pačatka 20-ha stahodździa pra Miensk - hubiernski horad. Navošta?! Moža jany hanaryliś akupacyjaj Biełarusi?
0
etot/adkazać/
19.04.2024
Lićvin Alhierd,onłajnier usidieł, pravda počti očko łopnuło
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera