Znajści
Ałharytmičny łacinski varyjant
18.04.2024 / 16:4326RusŁacBieł

Dźmitryj Baskaŭ — imavierny novy ŭłaśnik hihanckaj soniečnaj stancyi ŭ Čerykavie

«Nosicca pa bankach i šukaje finansavańnie. Kaža, što sprava vyrašanaja», — paviedamlajuć «Našaj Nivie» surazmoŭcy z haliny.

Samuju mahutnuju ŭ Biełarusi soniečnuju stancyju na 109 MVt uviali ŭ ekspłuatacyju ŭ 2021-m hodzie ŭ Čerykaŭskim rajonie. Niadaŭna ź joj zdaryłasia historyja — jaje zabrali va ŭłaśnika, brytanskaha inviestara Kijaboda Tutaniana Mašada, jaki ciapier dumaje sudzicca ź biełaruskimi ŭładami.

Ciapier sama stancyja aryštavanaja i vystaŭlenaja na prodaž. 

Treba razumieć ahulny kantekst, u jakim adbyvajecca historyja. 

Va ŭsim śviecie alternatyŭnaja enierhietyka raźvivajecca pry masiŭnaj dziaržaŭnaj padtrymcy, jakuju možna ŭmoŭna padzialić na try typy:

— Padtrymka kancavoha spažyŭca (dziaržava dafinansoŭvaje svaimi hrašyma kuplu enierhii fizičnymi ci jurydyčnymi asobami, jak praviła, u pamiery 30% ad sumy ŭhody da peŭnaha limitu mahutnaści);

— Padtrymka devełapiera na etapie budaŭnictva (dziaržava prykładna na 30% dafinansoŭvaje stancyju na etapie ŭźviadzieńnia, što stymuluje inviestavać); 

— Padtrymka devełapiera praz pavyšanyja taryfy vykupu vyrablenaj enierhii.

U Biełarusi dziejničaŭ treci typ padtrymki, jaki admianili ŭ 2022 hodzie, kali ŭ biudžecie stała nie chapać hrošaj na takoje — daviałosia zatykać dzirki ad stračanych ekspartnych prybytkaŭ va Ukrainu i Jeŭrasajuz.

Praz heta mnohija zamiežnyja inviestary stracili intares i pačali vychodzić z hetaha biznesu, pradajučy svaje stancyi z dyskontam.

Pierad toj ža dylemaj akazaŭsia i Kijabod Tutanian Mašad, ale prablema była ŭ zavyšanaj acency koštu stancyi, ad jakoj treba ličyć dyskont.

Sam inviestar aceńvaje svaje inviestycyi ŭ $170 miljonaŭ, što nie zusim adpaviadaje rynkavym acenkam na padobnyja abjekty — niekalki surazmoŭcaŭ «Našaj Nivy» z adpaviednaj ekśpiertyzaj u Jeŭrasajuzie i Biełarusi aceńvajuć jaje ŭ $90-100 miljonaŭ.

Z ulikam taho, jakoha maštabu asoby ŭ Biełarusi mohuć dazvolić sabie padobnyja pakupki, aryšt stancyi vyhladaje łahičnym finałam niaŭdałych pieramoŭ.

Dźmitryj Baskaŭ

Pa źviestkach «Našaj Nivy», atrymanych ad bankirskich kołaŭ, ciapier najbolš imavierny novy ŭłaśnik stancyi — Dźmitryj Baskaŭ, nabližany da siamji Łukašenkaŭ biznesoviec i chakiejny trenier Koli. 

Ab pošuku hrošaj Baskavym na hety vialiki i kapitałajomisty prajekt nam paviedamili niekalki surazmoŭcaŭ ź finansavaha siektaru. «Nosicca pa bankach i šukaje finansavańnie. Kaža, što sprava vyrašanaja», — skazaŭ infarmavany surazmoŭca. 

Čytajcie taksama:

Rasijskich chakieistaŭ, jakija kinuli na lod uručanyja Baskavym pryzy, prymusili prabačacca

Jak valsiravali Dźmitryj Baskaŭ i Natalla Ejsmant na navahodnim bali Łukašenki

Jak zabivali Ramana Bandarenku. Chronika padziej

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
16
Ха-ха
12
Ого
2
Сумна
1
Абуральна
55
0
Jaśnieńka /adkazać/
19.04.2024
Dźmitryj Baskaŭ, nabližany da siamji Łukašenkaŭ biznesoviec i chakiejny trenier Koli nie tolki ŭdzielničaŭ u palavańni na biełarusaŭ za bieł-čyrvona-biełyja nacyjanalnyja simvały (u vyniku taho palavańnia zabity Raman Bandarenka ), a jašče i kradzie ŭ brytanskich inviestaraŭ soniečnyja stancyi?
1
SHOS/adkazać/
19.04.2024
Jenot, ja nie vieriu v spraviedlivosť. Užie nie vieriu
0
Monhoł/adkazać/
19.04.2024
U nieho žie vrodie i dola v Briestskom akkumulatornom zavodie, i v bankie BSB v pravlenii był, tiepieŕ jeŝio i ukradiennuju stanciju zachotieł. Takoj vot sposobnyj biźniesmien.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera