Znajści
Ałharytmičny łacinski varyjant
18.04.2024 / 14:10RusŁacBieł

U Stakholmie staviać pjesu pa knizie Dźmitryja Płaksa pra jaho syna. Chłopca zabili siakieraj na marskim uźbiarežžy Šviecyi

Jakab Chirdval, dramaturh i zahadčyk litaraturnaj častki Karaleŭskaha dramatyčnaha teatra ŭ Stakholmie, pierastvaraje ŭ pjesu knihu «Piotr» Dźmitryja Płaksa pra svajho syna, žorstka zabitaha adnahodkam va ŭzroście 16 hadoŭ. 

Dźmitryj Płaks i Jakab Chirdval

Premjera adbudziecca 30 žniŭnia ŭ teatry «Aryjon», piša zbsb.info sa spasyłkaj na dn.se.

Piać hadoŭ tamu na šasnaccacihadovaha Piatra Płaksa ździejśniŭ niematyvavany napad jahony siabra-adnahodak, jaki pakutavaŭ na psichičny razład.

Dźmitryj Płaks dahetul ciažka pieražyvaje śmierć syna. Ciažki maralny stan baćki ledźvie nie staŭ pieraškodaj na šlachu ŭvasableńnia knihi «Piotr» u pjesu «Piotr: čas», bo viadomy dramaturh i pastanoŭščyk Jakab Chirdval, jakomu Dźmitryj Płaks prapanavaŭ svoj tekst, aścierahaŭsia pahłybić psichičnuju traŭmu apošniaha.

Teatralnaja adaptacyja budzie ŭjaŭlać ź siabie historyju pra baćku, jaki sumuje pa svaim dziciaci i namahajecca zachavać jaho žyćcio, uzhadvajučy pra jaho ŭsio, što tolki mahčyma. «A heta aznačaje, — kaža Jakab Chirdval, — što pjesa paradaksalnym čynam budzie ŭtrymlivać šmat śviatła, ciepłyni i humaru».

«Ja tamu i źviarnuŭsia da Jakaba, bo viedaŭ, što jen usio pravilna zrazumieje», — kamientuje takuju interpretacyju Dźmitryj Płaks. Akramia taho, što aŭtary razam vybirali aktora Andreasa Liljecholma, jaki budzie hrać Dźmitryja ŭ pjesie, bolš nijakaha ŭdziełu ŭ pastanoŭcy spadar Płaks nie biare, całkam daviarajučysia režysioru.

***

Piatra Płaksa zabili 2 žniŭnia 2019 hoda na marskim uźbiarežžy Šviecyi. 

Padletak zabiŭ Piatra siakieraj na plažy ŭ kamunie Salentuna na poŭnač ad Stakholma. Paśla hetaha jon sam patelefanavaŭ u palicyju i pryznaŭsia ŭ złačynstvie. Ź ciažkimi paškodžańniami hałavy paciarpieły viertalotam chutkaj dapamohi byŭ dastaŭleny ŭ lakarniu, adnak uratavać jaho nie ŭdałosia.

«Jon spačatku maryŭ stać pijanistam-kancertmajstram, ale potym skazaŭ, što budzie rabić karjeru evalucyjnaha psichołaha. Pry hetym nikoli nie pakidaŭ fartepijana, praciahvaŭ ihrać i brać uroki. — Piatro byŭ supiertalenavity: čytaŭ navukovyja knihi, jamu ŭsio było cikava… Najlepšy chłopiec na śviecie — zaŭsiody ščaślivy i z dobrym nastrojem», — raskazaŭ šviedskim ŚMI Dźmitry Płaks.

Niezadoŭha da trahiedyi Piotr z mamaj Volhaj 10 dzion praviali ŭ Minsku. Małady čałaviek sustrakaŭsia ź siabrami i svajakami, dzialiŭsia ambitnymi płanami.

Čytajcie taksama:

U Šviecyi zabili 16-hadovaha syna biełaruskaha žurnalista Dźmitryja Płaksa

«Nie chaču, kab jon staŭ adsotkam u statystycy zabojstvaŭ», — Dźmitryj Płaks raskazvaje pra zahinułaha syna

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
0
Ха-ха
1
Ого
1
Сумна
12
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera