Znajści
Ałharytmičny łacinski varyjant
16.04.2024 / 13:1915RusŁacBieł

Rasija dakładna prajhraje va Ukrainie — kitajski ekśpiert 

Kitajski ekśpiert pa Rasii nazvaŭ čatyry faktary, jakija pa jaho mierkavańni, niepaźbiežna pryviaduć da paražeńnia Rasii ŭ vajnie z Ukrainaj.

Fota: Celestino Arce NurPhoto via Getty Images

Artykuł kitajskaha prafiesara Fen Judžuna (Feng Yujun), jaki ŭznačalvaje Centr rasijskich i centralnaazijackich daśledavańniaŭ va Fudańskim univiersitecie, apublikavała vydańnie The Economist.

Aŭtar zaŭvažaje, što z-za taho, što ni adzin z bakoŭ nie maje padaŭlajučaj pieravahi, a ich palityčnyja pazicyi całkam razychodziacca, bajavyja dziejańni naŭrad ci zakončacca ŭ bližejšy čas. Adnak vidavočny ŭpłyŭ na chod vajny čatyroch faktaraŭ, jakija ŭ sukupnaści robiać niepaźbiežnym kančatkovaje paražeńnie Rasii.

Pa-pieršaje, heta nadzvyčajny ŭzrovień supracivu i nacyjanalnaha adzinstva, prajaŭleny ŭkraincami.

Pa-druhoje — mižnarodnaja padtrymka Ukrainy, jakaja, choć u apošni čas i nie apraŭdvaje čakańniaŭ krainy, zastajecca šyrokaj.

Treci faktar — charaktar sučasnaj vajny, spabornictva, jakoje ŭklučaje ŭ siabie spałučeńnie pramysłovaj mocy i sistem kamandavańnia, kantrolu, suviazi i raźviedki. Adna z pryčyn, pa jakoj Rasija sutyknułasia ź ciažkaściami ŭ hetaj vajnie, na pohlad aŭtara, źjaŭlajecca toje, što jana jašče nie adnaviłasia ad rezkaj deindustryjalizacyi, jakuju pieražyła paśla raspadu Savieckaha Sajuza.

Apošni faktar – infarmacyja. Kali sprava dachodzić da pryniaćcia rašeńniaŭ, Uładzimir Pucin akazvajecca ŭ pastcy infarmacyjnaha kokana z-za taho, što jon tak doŭha znachodzicca va ŭładzie. Rasijski prezident i jaho kamanda pa nacyjanalnaj biaśpiecy nie majuć dostupu da dakładnych źviestak raźviedki. U sistemie, jakoj jany kirujuć, adsutničaje efiektyŭny miechanizm vypraŭleńnia pamyłak. Ich ukrainskija kalehi bolš hnutkija i efiektyŭnyja.

Kitajski aŭtar upeŭnieny, što Rasija z časam vymušana budzie pakinuć usie akupavanyja ŭkrainskija terytoryi, u tym liku i Krym. Jadziernaja zbroja nie harantuje joj pośpiechu, taksama jak kaliści nie harantavała Złučanym Štatam, jakija nie zmahli pieramahčy ŭ Karei, Vjetnamie i Afhanistanie.

«Choć vajna kaštavała Ukrainie vielmi doraha, siła jaje supracivu i nacyjanalnaje adzinstva razburyli mif ab niepieramožnaści Rasii ŭ vajennym płanie. Ukraina jašče moža paŭstać z popiełu. Kali vajna skončycca, jana moža raźličvać na mahčymaść ustupleńnia ŭ Jeŭrapiejski Sajuz i NATA», — miarkuje kitajski ekśpiert.

Čytajcie taksama:

Zialenski zaklikaŭ sajuźnikaŭ abaranić Ukrainu hetak ža sama, jak Izrail

Bieśpiłotniki paralizujuć pole boju ŭ vajnie va Ukrainie

«Uładzimira Pucina vielmi niepakoić Forum miru ŭ Šviejcaryi» — Karbalevič

Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie

Antoś Župran

Chočaš padzialicca važnaj infarmacyjaj
ananimna i kanfidencyjna?

Клас
92
Панылы сорам
7
Ха-ха
9
Ого
2
Сумна
0
Абуральна
5
1
28/adkazać/
16.04.2024
Jeroma, idi domoj, vaniatko, tut vodki niet
6
Ennot/adkazać/
17.04.2024
Kto analizy opłačivajet ,tot ich i tancujet … Ni odna politłaboratorija nie rabotajet biespłatno.
3
Muščyna 30 let/adkazać/
17.04.2024
Ekśpiert s Aliekspriessa
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera