Znajści
Ałharytmičny łacinski varyjant
15.04.2024 / 19:28RusŁacBieł

Kiraŭnika pryvatnaj homielskaj telekampanii asudzili ŭžo druhi raz, a jahony namieśnik prapaŭ bieź viestak

Viadomaha homielskaha biznesmiena, zasnavalnika i dyrektara pryvatnaj rekłamnaj telekampanii «FiłTV» Vitala Filinskaha ŭžo dvojčy asudzili za «raspaŭsiud ekstremisckich materyjałaŭ». Pavodle infarmacyi vydańnia «Fłahštok», pieršy sud, jaki adbyŭsia ŭ kancy sakavika, skončyŭsia dla biznesmiena 15 sutkami aryštu, a paśla jaho asudzili paŭtorna, pryznačyŭšy čarhovyja 15 sutak.

Vital Filinski. Fota: sacsietki

Takim čynam, Filinski praciahvaje zastavacca za kratami ŭ izalatary časovaha ŭtrymańnia. Vierahodna, padstavaj dla pieraśledu mahli pasłužyć niejkija publikacyi abo reposty ŭ sacsietkach — paśla aryštu staronki Filinskaha ŭ fejsbuku i «Vkontaktie» byli vydalenyja.

Pa tym ža abvinavačvańni niadaŭna sudzili inšaha bujnoha homielskaha biznesmiena — Navuma Kaca. Abodva pradprymalniki źjaŭlajucca členami hramadskaha abjadnańnia sadziejničańnia raźvićciu pryvatnaha pradprymalnictva «Adzinstva».

Što tyčycca «FiłTV», to heta adzinaje ŭ Homielskaj vobłaści rekłamnaje ahienctva poŭnaha cykłu, jakoje zajmajecca raspracoŭkaj rekłamnaj idei, jaje ŭvasableńniem i raźmiaščeńniem atrymanaha rekłamnaha praduktu na TB-kanałach.

Kampanija paśpiachova pracavała z 1996 hoda, vykonvała, u tym liku, dziaržzamovy. Naprykład, zdymała film dla Savieta Respubliki. Adnak u apošnija hady ŭ pradpryjemstva pačalisia prablemy — niahledziačy na heta, jano praciahvała pracu, choć i va ŭrezanym vyhladzie.

Ciapier kampanija zastałasia ŭvohule biez kiraŭnictva, bo nieŭzabavie paśla aryštu Filinskaha źnik bieź viestak jahony namieśnik Andrej Vińnikaŭ. Unačy 1 krasavika mužčyna vyjšaŭ z domu ŭ nieviadomym kirunku i nie viarnuŭsia. Užo dva tydni jaho šukajuć milicyja i vałanciory.

Čytajcie taksama:

U Homieli zatrymali dyrektara teleradyjokampanii «FiłTV»

Dvuch bratoŭ zatrymali za toje, što jany «sihnalačy, padtrymlivali pratesty». Voś što my pra ich daviedalisia

Za pratesty zatrymali žycharku Bresta, jakaja ŭžo adbyła pakarańnie za ŭdzieł u pratestach

Zatrymali žurnalista «Viačerniaha Babrujska» 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
3
Ха-ха
1
Ого
2
Сумна
0
Абуральна
11
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera