Znajści
Ałharytmičny łacinski varyjant
15.04.2024 / 16:512ŁacBieł

Pryzyŭnik pryjechaŭ u psichijatryčnuju balnicu i admoviŭsia ŭ joj lažać. Jaho sudzili

Uvosień 2023 hoda 23-hadovy žychar Ivacevičaŭ prachodziŭ mierapryjemstvy pa pryzyvu na vajskovuju słužbu. Padčas ich psichijatr-narkołah nakiravała chłopca ŭ psichijatryčnuju balnicu «Mahiloŭcy» ŭ Pružanskim rajonie, kab tam udakładnili dyjahnaz «Źmiašanaje rasstrojstva asoby», a taksama ŭ inšuju ŭstanovu dla ŭdakładnieńnia dyjahnazu « Užyvańnie ałkaholu sa škodnymi nastupstvami». Ale jon tam doŭha nie pratrymaŭsia i pajšoŭ pad sud, piša BG.Media. 

Vyjazny sud nad pryzyŭnikom u Ivacevickim rajonie 18 sakavika 2024 hoda. Fota: Prakuratura Bresckaj vobłaści

Kali chłopiec pryjechaŭ u balnicu, jaho zasialili ŭ pałatu. Umovy ŭ joj jaho aburyli. Jak napisana ŭ sudovych materyjałach: «Dźviery ŭ pałatu adsutničali, u prybiralni nie miełasia asobnych boksaŭ. Byli začynienyja ŭvachodnyja dźviery adździaleńnia na kluč». Tady chłopiec pajšoŭ da hałoŭnaha lekara i napisaŭ zajavu ab admovie prachodžańnia abśledavańnia ŭ hetaj balnicy.

Pra heta daviedalisia ŭ vajskovym kamisaryjacie Ivacevickaha rajona i zapatrabavali, kab pryzyŭnik usio ž loh u psichijatryčnuju balnicu, ale jon znoŭ admoviŭsia. A kali vosieński pryzyŭ zaviaršyŭsia, na chłopca zaviali kryminalnuju spravu pavodle č.1 art. 435 KK («Uchileńnie ad mierapryjemstvaŭ pryzyvu na vajskovuju słužbu»).

Sud nad im vyrašyli zrabić «pakazalnym». Jaho praviali 18 sakavika ŭ budynku vajskovaha kamisaryjata Ivacevickaha rajona, na sud pryviali «asob pryzyŭnoha ŭzrostu». «U sudovym pasiadžeńni abvinavačany pakazaŭ, što pryznaje vinu całkam, ale faktyčna vinu nie pryznaŭ», — napisana ŭ sudovaj pastanovie.

Pry vyniasieńni prysudu sudździa ŭličvaŭ «asobu abvinavačanaha — najaŭnaść pastajannaha miesca žycharstva, adsutnaść sudzimaści, u toj ža čas najaŭnaść faktaŭ šmatrazovaha pryciahnieńnia abvinavačanaha da administracyjnaj, a taksama jaho pryciahnieńnie raniej da kryminalnaj adkaznaści, pasrednuju charaktarystyku pa miescy pražyvańnia, adsutnaść pastajannaha miesca pracy». Pazicyju chłopca adnosna jahonaha stanu zdaroŭja (jon nie ličyŭ siabie psichična chvorym) i ŭmoŭ dla znachodžańnia ŭ balnicy nijak nie ŭličyli.

U vyniku sud Ivacevickaha rajona pryznaŭ chłopca vinavatym va ŭchileńni ad mierapryjemstvaŭ pa pryzyvu na vajskovuju słužbu pa č.1 art. 435 KK RB i pryznačyŭ jamu dva miesiacy aryštu.

Čytajcie taksama:

Na vajskovych zborach miedykaŭ pamior vajennaabaviazany

Chrenin: SMS-pozvy buduć prychodzić u vajenny čas

Na pakazalny sud nad uchilistam u Pinski vajenkamat pryviali małodšych školnikaŭ. A sam uchilist nie pryjšoŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
2
Ха-ха
3
Ого
0
Сумна
1
Абуральна
3
0
daviedka/adkazać/
15.04.2024
V armiju prizyvať takoho nie chotieli, a po zakonu śledovało, poetomu riešili sdiełať psichom, no v itohie sudili.
0
Biełarus/adkazać/
15.04.2024
Ci treba bambić hetych łukašyscki kancłahierčyk pytańnie rytaryčnaje
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera