Znajści
Ałharytmičny łacinski varyjant
14.04.2024 / 23:402ŁacBieł

Pamierła viadomaja aŭtarka komiksaŭ ź biełaruskimi karaniami

Tryny Robins nie stała 10 krasavika ŭ San-Francyska na 86-m hodzie žyćcia.

Tryna Robins. Fota: Wikimedia Commons

Pra heta paviedamlaje vydańnie «Biełaruś i mir» sa spasyłkaj na New York Times.

Tryna viadomaja tym, što stała adnoj ź pieršych i najbolš vybitnych žančyn u Amierycy, jakija pracavali ŭ hetaj halinie, u jakoj raniej daminavali ŭ asnoŭnym mužčyny.

U pryvatnaści, u 1985 hodzie jana namalavała dla DC sieryju komiksaŭ z kultavym piersanažam — Cud-žančynaj (Wonder Woman), paśla taho jak čatyry dziesiacihodździ heta rabili tolki mužčyny.

A ŭ 1970 hodzie razam ź inšaj kalehaj vypuściła pieršuju ŭ ZŠA knižku komiksaŭ «It Ain't Me, Babe», całkam namalavanuju vyklučna žančynami.

Tryna Robins na Comic Con 1982 hoda ŭ San-Dyjeha. Fota: Wikimedia Commons

Da taho, jak całkam stać mastačkaj i redaktarkam časopisaŭ komiksaŭ, Tryna surjozna zajmałasia dyzajnam i prodažam adzieńnia, u tym liku adkryŭšy bucik na Manchetenie.

Jana siabravała z Džymam Morysanam i apranała fołk– i rok-muzykantaŭ, siarod jakich byli Donavan, Kas Elijat, Devid Krośbi.

A śpiavačka Džoni Mitčeł navat pačała adnu sa svaich piesień «Ladies Of The Canyon» natchnionym joju čatyrochradkoŭjem: «Tryna nosić karali-vampum, čercić linii ŭ svaim albomie…».

Tryna naradziłasia ŭ Bruklinie ŭ 1938 hodzie. Jana była małodšaj dačkoj, starejšuju zvali Charyjet. Baćka Maks pracavaŭ kraŭcom, maci Besi — nastaŭnicaj druhich kłasaŭ.

U svajoj aŭtabijahrafii «Apošniaja, chto zastaŭsia» mastačka piša, što nie lubiła svajo dziavočaje proźvišča — Pierłsan, bo jano niesapraŭdnaje — atrymanaja pry prybyćci ŭ ZŠA.

Sprava ŭ tym, što jana pachodziła ź biełaruskich jaŭrejaŭ i ŭ miastečku Dubaj jaje siamja nasiła proźvišča Pieračudnik (Perechudnik), što, jak adznačaje aŭtar, u pierakładzie aznačaje niešta kštałtu «maleńki ciaślar».

Niekrałohi, pryśviečanyja Trynie Robins, apublikavali mnohija amierykanskija vydańni, u tym liku New York Times, Washington Post i Forbes.

Čytajcie taksama:

Pamior aŭtar samaj papularnaj manhi

Novaha supierzłydnia kinasuśvietu Marvel pryznali vinavatym u napadzieńni i damahańniach. Jaho zvolnili z Disney

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
2
Ого
3
Сумна
17
Абуральна
1
0
pastaviŭ łajk/adkazać/
16.04.2024
i schamianuŭsia, što artykułu, a nie faktu. Komiksy b jaje ŭbačyć na źničcy.
1
Za praŭdu!/adkazać/
18.04.2024
Chopić pieradziorhivać! Nijakich "biełaruskich karanioŭ" u hetaj talenavitaj jaŭrejki nie było, byli jaŭrejskija.
Jaŭrei małajcy, dbajuć pra hienietyku i kroŭ. A libieralnyja žurnalisty chočuć, kab my zabylisia pra svaju kroŭ, prodkaŭ i svaju ziamlu. Niachaj vam razzłavanyja prodki ŭ kašmarnych snach śniacca!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera