Znajści
Ałharytmičny łacinski varyjant
12.04.2024 / 10:1432RusŁacBieł

Pucin vykarystaŭ Łukašenku, kab zajavić pra hatoŭnaść pačać pieramovy z Ukrainaj na asnovie Stambulskich damoŭlenaściaŭ

Hościu ź Biełarusi dastałasia zadača prapanavać viarnucca da pieramovaŭ z Ukrainaj pa ŭzhodnienaj u Stambule damovie. Pucin ź im «pahadziŭsia».

Alaksandr Łukašenka i Uładzimir Pucin 11 krasavika 2024 hoda. Fota Gavriil Grigorov, Sputnik, Kremlin Pool Photo via AP

Uładzimir Pucin pahadziŭsia z prapanovaj biełaruskaha kalehi Alaksandra Łukašenki viarnucca da pieramovaŭ z Ukrainaj pa ŭzhodnienych u Stambule damoŭlenaściach. U razmovie, stenahrama jakoj pryvodzicca na sajcie Kramla, Łukašenka adznačyŭ, što padčas pieramovaŭ u sakaviku-krasaviku 2022 hoda baki ŭzhadnili «surjoznyja zruchi», ale paźniej damoŭlenaści byli sarvanyja.

Alaksandr Łukašenka prapanavaŭ «dastać toj dakumient, jaki vy kaliści mnie pakazali i pieradali, pakłaści na stoł i ruchacca pa im».

«Tak, i ź im pracavać», — pahadziŭsia Pucin.

Łukašenka dadaŭ, što ŭ dakumiencie ŭtrymlivajecca «prymalnaja pazicyja i dla Ukrainy», i Kijeŭ dva hady tamu pryniaŭ jaje.

«Jany ž pahadzilisia. Viadoma», — adznačyŭ Pucin.

Alaksandr Łukašenka, jaki ŭ 2022 hodzie pradkazvaŭ, što Kijeŭ voźmuć za «try-čatyry dni», zajaviŭ, što jaho «niuch nikoli nie padmanvaŭ» i ciapier jon adčuvaje, što inicyjatyvy Pucina z nahody zakančeńnia vajny «znojduć vodhuk va Ukrainie».

«Ja hatovy z vami razam ustać popleč i pracavać u hetym kirunku», — skazaŭ Alaksandr Łukašenka.

Choć biełaruskaja armija i nie ŭdzielničaje ŭ vajennych dziejańniach, vajna Rasii i Ukrainy maje katastrafičnyja nastupstvy dla Biełarusi. Biełaruś, jakaja i raniej była zaležnaja ad rasijskich naftahazavych datacyj, akazałasia adrezanaja ad tradycyjnych suśvietnych rynkaŭ i ciapier užo całkam pryviazanaja da rasijskaha, a emihracyja z krainy dasiahnuła histaryčnych rekordaŭ.

Napiaredadni rasijskaje vydańnie «Novaja hazieta Jeŭropa» paviedamlała, što Turcyja prasoŭvaje novy prajekt mirnaha pahadnieńnia pamiž Rasijaj i Ukrainaj. Pa słovach krynicy vydańnia, jaki aznajomiŭsia z dakumientam, u jaho asnovu lahli punkty ź pieršaha pahadnieńnia ŭ Stambule. Adnak abnoŭlenaja damova praduhledžvaje zamarozku vajny pa isnujučaj linii frontu, abaviazacielstvy pravieści refierendumy na zachoplenych Rasijaj terytoryjach Ukrainy ŭ 2040 hodzie, a taksama harantyi pazabłokavaha statusu Ukrainy da 2040 hoda.

Maskva ŭ 2022 hodzie pačynała vajnu, raźličvajučy na chutkaje zavajavańnie Ukrainy. Miarkujučy pa rytorycy Pucina i dziejańniach RF u toj čas, za akupacyjaj Ukrainy nastała b likvidacyja ŭkrainskaj i biełaruskaj dziaržaŭnaści i inkarparacyja ŭkrainskich i biełaruskich ziamiel u skład Rasii na ŭzor taho, jak heta adbyłosia z Danieckam, Łuhanskam i akupavanymi terytoryjami Zaparožskaj i Chiersonskaj abłaściej.

Zamiest hetaha Rasija atrymała zaciažnuju vajnu, na jakoj straciła 75 tysiač čałaviek zabitymi. Značnaja častka rasijskaj vajskovaj techniki była źniščanaja, uklučajučy tysiačy tankaŭ. Reputacyja rasijskich uzbrajeńniaŭ paciarpieła, a prestyž zachodnich — vyras.

Hatoŭnaść Maskvy vieści pieramovy śviedčyć, što jana źmiryłasia z tym, što tyja pieršapačatkovyja mety vajny ciapier nie mohuć być dasiahnutyja. Ale niama padstavaŭ dumać, što Rasija ad hetych metaŭ admoviłasia. Mienavita tamu šmat chto va Ukrainie i krainach Jeŭrasajuza vystupajuć suprać takoj zamarozki kanfliktu. Na ich dumku, Maskva šukaje prosta pieradyški, kab adnavić arsienał uzbrajeńniaŭ i raspačać novy nacisk na Ukrainu ŭ zručny dla siabie momant.

Na dumku krytykaŭ, tolki vychad Ukrainy na zakonnyja miežy 1991 hoda moža stać strachoŭkaj ad paŭtareńnia vajny ŭ budučyni.

Čytajcie taksama:

«Dziasiatkami vykidvajuć trupy cieraź miažu». Pra što Łukašenka siońnia raskazvaŭ Pucinu

Ci ŭviadzie NATA va Ukrainu svaje vojski? Mierkavańni zachodnich ekśpiertaŭ

Ukraina raspracavała płan novaha kontrnastupu — Zialenski

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
8
Ха-ха
26
Ого
2
Сумна
3
Абуральна
25
0
Łukašystym papuhajam sasicie #j/adkazać/
12.04.2024
Forbes: RF do sieriediny 2025 hoda isčierpajet zapasy starych tankov i bojevych mašin, vozobnoviť proizvodstvo budiet nievozmožno.
0
Miru mir biez ahriessorov/adkazać/
13.04.2024
Nikakich pieriehovorov s soahriessorami. Podležat mieždunarodnou tribunału. 
0
Vład/adkazać/
14.04.2024
Što adbyvajecca,  kak vy nadojeli s etim "napasť na Litvu" i "suvałkskim koridorom"! Vot začiem?  Čtoby  Hardinas na etot raz k Litvie prisojediniť?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031