Znajści
Ałharytmičny łacinski varyjant
13.04.2024 / 20:183RusŁacBieł

Što budzie z taksi? Mierkavańni pieravozčykaŭ

Taksistaŭ abaviažuć nie tolki ŭstalavać kamiery videanazirańnia. Pieravozčykaŭ čakajuć i inšyja źmieny, jakija na pieršy pohlad mohuć być niezaŭvažnymi dla pasažyraŭ. 

Ilustracyjny zdymak. Fota: «Naša Niva»

Nie ŭ rejestry — nie taksist

Taksistam, jakija zachočuć zastavacca ŭ prafiesii, daviadziecca vykanać šerah umoŭ. Pracavać zmohuć tolki tyja, chto budzie zaniesieny ŭ dziaržaŭny rejestr. U im musić być jak dyśpietčarskaja słužba, tak i transpartny srodak i kiroŭca.

Dadavać u rejestr z 1 žniŭnia pa 31 kastryčnika 2024 buduć biaspłatna. Paśla treba budzie płacić dziaržpošlinu.

Za transpartny srodak — 2 bazavyja, za kiroŭcu — 1 bazavuju, za dyśpietčara — 100 bazavych. Uniasieńnie źmianieńniaŭ taksama budzie płatnym — pa 1 bazavaj za źmienu źviestak pra transpartny srodak abo dyśpietčara i pa 0,5 bazavaj za źmienu źviestak pra vadziciela.

Dostup da danych z rejestru buduć mieć DAI, Biełdziaržtechahlad, dziaržaŭny rejestr jurydyčnych asob i IP, biuro pa transpartnym strachavańni.

Aproč ich, pry patrebie Transpartnaja inśpiekcyja budzie davać źviestki z rejestru ŭsim zacikaŭlenym kantralavalnym i nadhladnym orhanam.

Patrapić u rejestr mohuć tolki dyśpietčary, kiroŭcy i transpartnyja srodki, jakija adpaviadajuć šerahu patrabavańniaŭ.

Videanazirańnie

U sałonie aŭtamabila taksi ŭ abaviazkovym paradku musić vieścisia videanazirańnie. Pieravozčyk abaviazany zachoŭvać videafajły ciaham 10 sutak. Sam aŭtamabil taksi musić być afarbavany abo abklejeny ŭ adpaviednaści z rehłamientam. Važna, što taki aŭtamabil bolš nielha budzie vykarystoŭvać dla asabistych pajezdak. 

Aŭtamabilam taksi možna pierasoŭvacca tolki pa patrebach pieravozčyka i tolki ŭ pracoŭny čas. Źmiena zakančvajecca praz 20 chvilin paśla taho, jak mašyna pryjechała na stajanku. Takaja infarmacyja źjaviłasia padčas čarhovaha abmierkavańnia źmienienaha zakanadaŭstva ŭ sakaviku.

Praz hetyja i šerah inšych patrabavańniaŭ pradstaŭniki dadzienaj śfiery aścierahajucca, što mnohija straciać biznes, pracu abo padpracoŭku. Pry hetym možna kazać pra toje, što ŭ taksisckaj supolnaści niama adzinaha mierkavańnia nakont novych pravił hulni. Adzin z surazmoŭcaŭ ličyć, što novaŭviadzieńni dabjuć śfieru, jakaja i biez taho pieražyvaje nie samyja lepšyja časy, a inšy spadziajecca na toje, što razam z uzrosłymi składanaściami i vydatkami vyrastuć i zarobki.

«Za takija hrošy mała chto choča pracavać»

«U taksi ciapier sapraŭdy nakapiłasia šmat prablem. Nizkija taryfy, vysokaja kankurencyja, składana znajści hodnych kiroŭcaŭ», — tłumačyć surazmoŭca.

Ilustracyjny zdymak. Fota: «Naša Niva»

Mužčyna pryznajecca, što ŭ hetaj śfiery kab niešta zastałosia sabie, davodzicca ekanomić na ŭsim. U tym liku na padatkach. 

«U abłasnych haradach kiroŭcy i tak zarablajuć nie šmat — da 1500 rubloŭ, ale na «papiery» jašče mienš, bo kali płacić usie padatki sumlenna, to na zarpłatu zastaniecca jašče mienš. Tamu heta chutčej nieabchodnaść, čym žadańnie padmanuć dziaržavu», — apraŭdvajecca taksist.

Ź jahonych słoŭ, prablema z pošukam kiroŭcaŭ — ledź nie asnoŭnaja na ciapierašni momant.

«Za takija hrošy mała chto choča pracavać, tamu ŭ taksi vielmi šmat tych, chto prychodzić tudy vyklučna, kab pierakantavacca, pakul nie znojdzie lepšuju pracu. Kab zarablać bolš-mienš narmalna, kiroŭcam, jakija pracujuć na arendnym aŭto abo na pracencie ad zamoŭ, treba rehularna parušać pracoŭny hrafik».

«Dzie zachoŭvać hetyja sotni hihabajtaŭ videa?»

Surazmoŭca ličyć, što sa źjaŭleńniem rejestru, kudy nieabchodna ŭnosić danyja kiroŭcy, uładalnikam navat nievialikich aŭtaparkaŭ daviadziecca vydatkavać na heta šmat času i hrošaj.

«Ciakučka kadraŭ u našaj śfiery vielmi vysokaja, šmat chto pracuje pa 1-2 miesiacy, a potym sychodzić.

I heta tolki adna z prablem, bo treba vydatkavać dadatkovyja hrošy na videarehistratar, znajści dzie zachoŭvać hetyja sotni hihabajtaŭ videa. Heta ŭsio dadatkovaja nahruzka, jakaja kładziecca na plečy ŭłaśnika biznesu. Nie vyklučaju, što tym, u kaho šmat mašyn, daviadziecca brać asobnaha čałavieka na pracu, jaki budzie za ŭsim hetym sačyć, zachoŭvać i vydalać infarmacyju».

Rełakacyja biznesu ŭ Polšču

Mužčyna kaža, što sam jon praz hetyja źmieny vyrašyŭ syści ź biznesu. Ciapier jon raspradaje mašyny ŭ Biełarusi i zakuplaje ŭ Polščy.

Ilustracyjny zdymak. Fota: «Naša Niva»

«Dla siabie padličyŭ i vyrašyŭ, što mnie praściej i vyhadniej budzie rełakavać biznes u Polšču. Častku mašyn užo pradaŭ, inšyja jašče jeździać, pakul naładžvaju pracesy ŭ Polščy. Heta davoli papularny biznes siarod mihrantaŭ, šmat biełarusaŭ majuć tam taksi. Sami pracujuć, zdajuć mašyny ŭ arendu. Tam niama ŭsich hetych durnych patrabavańniaŭ», — kaža surazmoŭca.

Na dumku taksista, novaŭviadzieńni naŭrad ci padymuć jakaść pieravozak, a voś ceny dakładna vyrastuć, bo ŭ pieravozčykaŭ źjavicca šmat dadatkovych vydatkaŭ, jakija treba budzie kampiensavać.

«Ale ja nie vieru ŭ toje, što taryf moža vyraści tak, kab usie hetyja dadatkovyja ciažkaści akupilisia. Bo navat kali zarobak zastaniecca na tym ža ŭzroŭni, to jaki sens za tyja samyja hrošy vykonvać bolš pracy», — zadajecca pytańniem pieravozčyk.

Taksama mužčyna kaža, što nie razumieje, navošta było ŭvodzić zabaronu na vykarystańnie aŭto ŭ asabistych metach. Na jaho dumku, heta nie tolki adšturchnie častku tych, chto arandavaŭ aŭto, ale i pryvatnikaŭ, jakija pracavali na ŭłasnym transparcie.

«Mahčymaść mieć aŭtamabil u režymie 24/7 była adnym ź niešmatlikich plusaŭ dla tych, chto pracavaŭ na arendnych aŭto. Čałaviek płaciŭ arendu i moh vykarystoŭvać mašyny, jak zachoča. Chočaš pracuj, a chočaš jedź na viosku abo ź dzieŭkami katajsia».

Tym, chto taksavaŭ na ŭłasnym aŭto, daviadziecca abo nabyvać jašče adzin, kab mieć mahčymaść zastavacca ŭ prafiesii, abo sychodzić ź jaje.

«Siarod taksistaŭ było niamała tych, što pracuje sam na siabie na ŭłasnym aŭto, choć farmalna ličycca najomnym supracoŭnikam. Nie ŭsie pracavali ŭ taksi na fułtajmie, niechta moh paralelna chadzić na paźmiennuju pracu. Niekatoryja tak padzarablali na piensii. Ciapier dziaržava prapanuje im ich ułasnaść pieravieści z pryvatnaj u niejkuju inšuju formu, kali mašyna jość, a karystacca joj niemahčyma».

Aŭtamabilaŭ taksi moža stać mienš

Inšy surazmoŭca hladzić u budučyniu bolš pazityŭna. Mužčyna ličyć, što novaŭviadzieńni nie stanuć pieraškodaj dla pracy.

«Napeŭna, aŭtamabilaŭ taksi stanie krychu mienš, ale dla samich pieravozčykaŭ u hetym niama ničoha kiepskaha, bo ŭ takim vypadku musiać vyraści taryfy na pieravozku, što ŭ vyniku pazityŭna adabjecca na prybytkach», — spadziajecca surazmoŭca.

Mužčyna ličyć, što čym vyšej budzie paroh uvachodu ŭ biznes, tym lepiej. Na jaho dumku, heta moža paŭpłyvać i na jakaść akazańnia pasłuh.

«Kali pieravozčyk i sam kiroŭca budzie razumieć, što moža vylecieć z rejestru i prynamsi na niejki čas zhubić pracu, to jon budzie bolš kłapacicca ab jakaści akazańnia pasłuh i vykanańnia zakonaŭ».

«My ŭsie mocna zaležym ad manapalista «Jandeks-Taksi»

Mužčyna kaža, što z ulikam ciapierašnich taryfaŭ pasłuhi taksi ŭ Biełarusi nadta dastupnyja, bo kali jechać razam 3-4 pasažyram, to pajezdka abychodzicca tańniej, čym na maršrutcy.

Taksist kaža, što jon nie suprać vydatkavać dadatkovyja hrošy i čas na toje, kab zastacca ŭ biznesie.

Ilustracyjny zdymak. Fota: «Naša Niva»

«Hałoŭnaje, kab hetyja vydatki akupilisia. Pa idei, taryf na pajezdku ŭ taksi musić mocna padraści, bo heta całkam łahična z ulikam skaračeńnia achvotnych akazvać takija pasłuhi. Ale my ŭsie mocna zaležym ad manapalista «Jandeks-Taksi».

Kali jon adekvatna pavysić taryf, to budzie dobra. Bo nam, jak ułaśnikam biznesu, tak i prostym kiroŭcam, lepiej vykanać umoŭna 30 zamoŭ za dzień pa taryfie 15 rubloŭ za pajezdku, čym 45 pajezdak pa taryfie 10 rubloŭ za pajezdku».

@nashanivanews Pryvatnyja stamatałohii ŭ Minsku čakaje pravierka. Treba čakać biady? #stomatołohijaminsk#stomatołohija#miedicina#vrači#nałohovaja#minsksiejčas#biełaruś#novostibiełarusi♬ DESTRUCTION - SCXR SOUL & NONTHENSE

Z usimi źmienami ŭ śfiery pasažyrskich pieravozak možna aznajomicca pa spasyłcy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
18
Ха-ха
6
Ого
10
Сумна
8
Абуральна
43
2
Chirurh/adkazać/
13.04.2024
V čiom problema sozdať svojeho monopolista: Siemja Taksi libo Łuka Taksi, tak choť i sriedstva budut usłovno ostavaťsia v RB? Nu kamon, Ejsmont, ty žie pichani jemu etu idieju, a nie tolko v ekstriemistkich pablikach monitoŕsia, takaja užie motyha piedalnaja, ty žie dielnoje čto-to sovietuj
4
Praŭdarub/adkazać/
13.04.2024
Siońnia ŭnosiać u rejestr takistaŭ, a zaŭtra ŭsim čypy ŭvašjuć pačnuć i narodziec pabiažyć zajmać miesca ŭ čarzie
0
Taksist/adkazać/
14.04.2024
> Mužčyna ličyć, što čym vyšej budzie paroh uvachodu ŭ biznes, tym lepiej. 

lepiej tolki dla tych, chto ŭžo ŭvajšoŭ i nia choča kankurencyi

https://d367rzjs5oyeba.cloudfront.net/34051
Tak
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031