Znajści
Ałharytmičny łacinski varyjant
08.04.2024 / 19:078RusŁacBieł

«U Pinsku heta narmalnaja źjava». Drevy na haradskoj nabiarežnaj ableplenyja źmiejami

Karystalnica tyktoku ź Pinska dniami pakazała kadry z haradskoj nabiarežnaj: vysadžanyja ŭzdoŭž raki tui akazalisia paŭsiul ableplenyja vužami, jakija vypaŭźli pahrecca na viasnovym soniejku, piša Telegraf.news.

Niekatoryja hledačy spačatku vyrašyli, što na videa — štučnyja źmiei, adnak miascovyja žychary zapeŭnili, što paŭzuny — samyja što ni na jość sapraŭdnyja.

Sa słoŭ aŭtarki videa, «viasnoj u Pinsku heta narmalnaja źjava», a sioleta vužoŭ tak šmat, što jany «navat na drevach siadziać».

Dla niekatorych pinčukoŭ, pa ich ułasnym pryznańni, heta stała «ŭžo šmathadovaj tradycyjaj: viasnoj šukać vužoŭ u parku i na nabiarežnaj», kudy, miarkujučy pa ŭsim, źmiei vyłaziać u soniečnaje nadvorje pahrecca.

Pry hetym, pa słovach niekatorych, na soniejku hrejucca «biaskryŭdnyja vužyki», adnak inšyja hledačy pryznalisia, što ŭ takich «kamiačkach» na drevach časam sustrakajucca i hadziuki — adziny vid atrutnych źmiej u Biełarusi.

@_svetlenkaia_

♬ Podruhi - Diana Hurckaja

U suviazi z hetym niekatoryja kamientatary, jakija asabliva ŭrazilisia, prapanavali vyklikać MNS, kab nie «zdaryłasia niepapraŭnaje», kali «dzieci pryjduć i nie zaŭvažać». Na što aŭtarka videa adznačyła, što «hetych vužykaŭ treba samich ratavać ad dziaciej», pakolki tyja «ciahajuć niaščasnych pa ŭsioj nabiarežnaj».

«Uzrovień vady mocna padniaŭsia. Zaŭsiody čamuści šmat vužoŭ, kali takoje adbyvajecca. Vada spadzie, schavajucca», — zapeŭniŭ adzin z hledačoŭ. 

Čytajcie taksama:

U honar Charysana Forda nazvany vid źmiej, raniej nie viadomy navucy

U Minskaj vobłaści zaŭvažyli redkuju źmiaju

U haradskim parku Pinska zaŭvažyli kłubok bujnych vužoŭ VIDEA

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
30
Панылы сорам
6
Ха-ха
7
Ого
31
Сумна
9
Абуральна
14
1
Paleśsie - naš skarb/adkazać/
08.04.2024
Na Paleśsi vužy jak svojskija žyvioły, ich nichto tam nie čapaje. Tolki ŭ panajechałych moža być takaja chvoraja reakcyja na ich, ažno pabiehli chetčej telefanavać u mns dy milicyju 🤦‍♀️
1
Pina/adkazać/
08.04.2024
Toža mnie navina, pamiataju kupaješsia na rečcy, a tam vužy pobač płavajuć i nichto ź dziaciej nie źviartaŭ na ich uvahi. Heta zaraz dziaciej raśpieścili, što jany navat nie viedajuć što takoje vuž.
0
tak dumaju/adkazać/
09.04.2024
źmiei pavypaŭzali z Dniaproŭskaj flatylii 21, z usich 4 pavierchaŭ.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera